വീണ്ടും റെക്കോഡുമായി ഹിറ്റ്മാൻ; റാഞ്ചിയിൽ രോഹിതിന്‍റെ തോളിലേറി ഇന്ത്യ

സെഞ്ച്വറി റെക്കോർഡുകൾ

ദക്ഷിണാഫ്രിക്കക്കെതിരെ ഒരു പരമ്പരയിൽ മൂന്ന് സെഞ്ച്വറി നേടുന്ന ആദ്യ ഇന്ത്യൻ താരവുമായി രോഹിത് മാറി. ഈ കലണ്ടർ വർഷം രാജ്യാന്തര ക്രിക്കറ്റിൽ രോഹിതിന്റെ ഒമ്പതാം സെഞ്ച്വറിയാണ് റാഞ്ചിയിൽ സ്വന്തമാക്കിയത്. ഇതിന് മുമ്പ് സച്ചിൻ ടെൻഡുൽക്കർ, ഗ്രെയിം സ്മിത്ത്, ഡേവിഡ് വാർണർ എന്നിവർ മാത്രമാണ് ഈ നേട്ടം കൈവരിച്ചിട്ടുള്ള ഓപ്പണർമാർ.

ടോസിടുന്ന ആളെ മാറ്റി ദക്ഷിണാഫ്രിക്ക; എന്നിട്ടും രക്ഷയില്ല!

സിക്സർ ഹിറ്റ്മാൻ

ഒരു ടെസ്റ്റ് പരമ്പരയിൽ ഏറ്റവും കൂടുതൽ സിക്സറടിക്കുന്ന താരവുമായി രോഹിത്. പരമ്പരയിൽ ഇതുവരെ 17 സിക്സറാണ് രോഹിത് അടിച്ചു കൂട്ടിയത്. 15 സിക്സറെന്ന വിൻഡീസ് താരം ഷിമ്രോൺ ഹെറ്റ്മയറുടെ റെക്കോർഡാണ് ഹിറ്റ്മാൻ മറികടന്നത്. റാഞ്ചിയിൽ ആദ്യ ദിനം നാല് സിക്സറാണ് രോഹിതിന്റെ ബാറ്റിൽ നിന്ന് പിറന്നത്. സെഞ്ച്വറി തികച്ചതും സിക്സറിലൂടെ. ഇത് രണ്ടാം തവണയാണ് സിക്സറിലൂടെ രോഹിത് ടെസ്റ്റ് സെഞ്ച്വറി തികക്കുന്നത്. ഗൗതം ഗംഭീറും രണ്ട് തവണ സിക്സറിലൂടെ സെഞ്ച്വറിയടിച്ചിട്ടുണ്ട്. 6 തവണ ഈ നേട്ടം കൈവരിച്ചിട്ടുള്ള സച്ചിൻ ടെൻഡുൽക്കർ മാത്രമാണ് ഇക്കാര്യത്തിൽ ഇവർക്ക് മുന്നിലുള്ളത്.

സെഞ്ച്വറിയും സിക്സറുകളും; സച്ചിൻ ടെൻഡുൽക്കറിനൊപ്പമെത്തി രോഹിത്

ആദ്യ ദിനം വെളിച്ചക്കുറവ് മൂലം കളി നേരത്തെ നിർത്തുമ്പോൾ ഇന്ത്യ 3 വിക്കറ്റ് നഷ്ടത്തിൽ 224 റൺസെന്ന നിലയിലാണ്. രോഹിതും (117) രഹാനെയും(83) ആണ് ക്രീസിൽ.