സമനിയില്‍ അവസാനിച്ച മത്സരത്തില്‍ പുറത്താകാതെ 157 രണ്‍സ് നേടിയ വിരാട് കോഹ്‌ലിയെയാണ് കളിയിലെ താരമായി തെരഞ്ഞെടുത്തത്. ഇതോടെ ഏറ്റവും കൂടുതല്‍ തവണ മാന്‍ ഓഫ് ദ മാച്ച് പുരസ്‌കാരം സ്വന്തമാക്കുന്ന ഇന്ത്യന്‍ നായകനെന്ന റെക്കോര്‍ഡാണ് വിരാട് സ്വന്തമാക്കിയത്. 18 തവണയാണ് ഇന്ത്യന്‍ നായകനായിരിക്കെ കോഹ്‌ലി കളിയിലെ താരമായി തെരഞ്ഞെടുക്കപ്പെട്ടത്. 17 തവണ ഈ നേട്ടം സ്വന്തമാക്കിയ ധോണിയെയാണ് താരം മറി കടന്നത്.
'ജയിക്കാതെ ജയിച്ച് വിന്‍ഡീസ്'; അവസാന പന്ത് വരെ ആവേശം നിറഞ്ഞ മത്സരം സമനിലയില്‍
advertisement
ലേക ക്രിക്കറ്റില്‍ കൂടുതല്‍ തവണ മാന്‍ ഓഫ് ദ മാച്ച് പുരസ്‌കാരം നേടിയ താരങ്ങളില്‍ മൂന്നാമനാകാനും കോഹ്‌ലിക്ക് കഴിഞ്ഞു. 60 തവണയാണ് വിരാട് ഈ നേട്ടം കൈവരിക്കുന്നത്. 59 തവണ പുരസ്‌കാരം നേടിയ കുമാര്‍ സംഗക്കാരയെയും റിക്കി പോണ്ടിങ്ങിനെയുമാണ് താരം ഇന്നത്തെ റെക്കോര്‍ഡോടെ മറികടന്നത്. 71 വീതം മാന്‍ ഓഫ് ദ മാച്ച് പുരസ്‌കാരം നേടിയ സനത് ജയസൂര്യയും ജാക് കാലിസും 95 പുരസ്‌കാരം നേടിയ സച്ചിന്‍ ടെണ്ടുല്‍ക്കറുമാണ് പട്ടികയില്‍ മുന്നില്‍.