ഇന്ത്യൻ പേസർ മുഹമ്മദ് സിറാജ് ഇനി കാക്കിയിൽ; തെലങ്കാന ഡിഎസ്പിയായി ചുമതല

ഹൈദരാബാദിലെ ജൂബിലി ഹിൽസിലെ റോഡ് നമ്പർ 78-ൽ സ്ഥിതി ചെയ്യുന്ന 600 സ്ക്വയർ യാർഡുള്ള വീടും താരത്തിന് സമ്മാനിച്ചു. മുഹമ്മദ് സിറാജിന് വീട് നിർമ്മിക്കാനായി സ്ഥലവും സർക്കാർ ജോലിയും നൽകുമെന്ന് തെലങ്കാന മുഖ്യമന്ത്രി രേവന്ത് റെ‍ഡ്ഡി നേരത്തെ പ്രഖ്യാപിച്ചിരുന്നു.

സിറാജിന്റെ നേട്ടങ്ങൾ എടുത്തു പറഞ്ഞ തെലങ്കാന മുഖ്യമന്ത്രി താരത്തിന് ഗ്രൂപ്പ് 1ൽ ഉൾപ്പെടുന്ന ജോലി തന്നെ നൽകുമെന്നും വ്യക്തമാക്കിയിരുന്നു. ഗ്രൂപ്പ് 1 ജോലിക്ക് ആവശ്യമായ കുറഞ്ഞ യോഗ്യത ബിരുദമാണ്.

പ്ലസ് ടു വരെയാണ് സിറാജ് പഠിച്ചത്. ആവശ്യമായ വിദ്യാഭ്യാസ യോഗ്യതകൾ ഇല്ലാതിരുന്നിട്ടും കായികതാരങ്ങളെ പ്രോത്സാഹിപ്പിക്കുന്നതിന്റെ ഭാഗമായി വിദ്യാഭ്യാസ യോഗ്യതയിൽ സർക്കർ ഇളവ് നൽകുകയായിരുന്നു. നിലവിൽ ഇന്ത്യയുടെ മികച്ച മൂന്ന് ഫാസ്റ്റ് ബൗളർമാരിൽ ഒരാളാണ് മുഹമ്മദ് സിറാജ്.ബംഗ്ലാദേശിനെതിരായ രണ്ട് മത്സരങ്ങളുടെ ടെസ്റ്റ് പരമ്പരയിലാണ് സിറാജ് അവസാനമായി കളിച്ചത്.

advertisement