ധോണിയും ഞാനും ഒരുമിക്കാന്‍ കാരണക്കാരനായയാള്‍ എന്ന കുറിപ്പോടെയാണ് സാക്ഷി റോബിന്‍ ഉത്തപ്പക്കും ഭാര്യ ശീതളിനും ഒപ്പം നില്‍ക്കുന്ന ചിത്രം പങ്കുവെച്ചത്. പാതി മലയാളിയായ ഉത്തപ്പ ഏറെക്കാലമായി ഇന്ത്യന്‍ ടീമിന് പുറത്താണെങ്കിലും 2007 ല്‍ ഇന്ത്യ പ്രഥമ ടി 20 വേള്‍ഡ് കപ്പ് ചാമ്പ്യന്മാരായപ്പോള്‍ ധോണിക്കൊപ്പം ടീമിലുണ്ടായിരുന്ന താരമാണ്.
സാക്ഷിയുടെ പിറന്നാള്‍ ആഘോഷിച്ച് ധോണിയും സിവയും; പാട്ടും നൃത്തവുമായി സാക്ഷി
തന്റെ പിറന്നാളിന് എത്തിയ ഉത്തപ്പയ്ക്കും ഭാര്യക്കും നന്ദി പറഞ്ഞ് കൊണ്ടാണ് തങ്ങള്‍ ഒരുമിക്കാന്‍ കാരണക്കാരന്‍ എന്ന് ഉത്തപ്പയെക്കുറിച്ച് സാക്ഷി പറയുന്നത്. എന്നാല്‍ നേരത്തെ പുറത്തിറങ്ങിയ ധോണിയുടെ ജീവിതകഥ പറയുന്ന 'എംഎസ് ധോണി- ദ് അണ്‍ടോള്‍ഡ് സ്റ്റോറി' എന്ന സിനിമയില്‍ ധോണിയും സാക്ഷിയും ഒരിമിക്കുന്നതിനെക്കുറിച്ച് പറയുന്ന സന്ദര്‍ഭത്തില്‍ ഉത്തപ്പയുടെ പേര് പരാമര്‍ശിക്കുന്നില്ലെന്നതും ശ്രദ്ധേയമാണ്.