വിരാടിന്റെ വിക്കറ്റിന് അപ്പീല്‍ നല്‍കിയപ്പോഴാണ് താന്‍ പ്രകോപിപ്പിക്കാന്‍ ശ്രമിച്ചതെന്നാണ് ഇശാന്ത് പറയുന്നത്. 'എന്റെ പന്തില്‍ വിരാടിന്റെ ബാറ്റില്‍ എഡ്ജ് ചെയ്ത പന്ത് ക്യാച്ചെടുത്തിരുന്നു. എന്നാല്‍ ക്യാച്ചിന് മുമ്പ് പന്ത് നിലത്ത് കുത്തിയിരുന്നതായി സംശയമുയര്‍ന്നു. ഞാന്‍ കോഹ്‌ലിയുടെ അടുത്തെത്തി പറഞ്ഞു. ഔട്ടായി കേറി പോ എന്ന്. എന്നാല്‍ പോയി പന്തെറിയാനായിരുന്നു കോഹ്‌ലിയുടെ മറുപടി.'
Also Read: ക്വാളിഫയറിനും ഡല്‍ഹിയ്ക്കും ഇടയില്‍ 163 റണ്‍സ് ദൂരം; ചെന്നൈയുടെ എതിരാളികളെ ഉടനറിയാം
advertisement
അംപയര്‍ ഔട്ടല്ലെന്ന് വിധിച്ചതോടെ കോഹ്‌ലി ബാറ്റിങ്ങ് തുടരുകയും എന്റെ തൊട്ടടുത്ത പന്തില്‍ സിക്‌സറടിക്കുകയും ചെയ്‌തെന്നും ഇശാന്ത് പറഞ്ഞു. രോഹിത് ശര്‍മയോടും താന്‍ ഈ രീതിയില്‍ പെരുമാറിയിട്ടുണ്ടെന്നും ഇശാന്ത് വെളിപ്പെടുത്തി. തങ്ങളുടെ ഹോം ഗ്രൗണ്ടിലെ മത്സരത്തിലായിരുന്നുരോഹിതിനെ പ്രകോപിപ്പിച്ചതെന്നാണ് ഡല്‍ഹി ബൗളര്‍ പറയുന്നത്.
'രോഹിത് എന്റെ പന്തില്‍ റണ്ണടിക്കാന്‍ ബുദ്ധിമുട്ടി. ഞാന്‍ രോഹിത്തിന്റെ സമീപമെത്തി പറഞ്ഞു. പറ്റുമെങ്കില്‍ അടിക്കെന്ന്, അപ്പോള്‍ എന്ത് വിക്കറ്റാണിതെന്നായിരുന്നു അയാളുടെ മറുപടി, ഇവിടെ എങ്ങനെ അടിക്കാനാ, മുംബൈയിലേക്ക് വാ കാണിച്ചുതരാം എന്നും രോഹിത്ത് പറഞ്ഞു. അവിടെ വന്നാല്‍ നിന്നെ ഞാന്‍ ഔട്ടാക്കും എന്ന് ഞാന്‍ മറുപടിയും നല്‍കി.' ഇശാന്ത് പറഞ്ഞു.