COVID 19| തോൽക്കാനാവില്ല; കോവിഡിനെ അതിജീവിച്ച് ബ്രിട്ടനിലെ 106 വയസുകാരി

കോനി ടിച്ചൻ എന്ന ബർമ്മിങ്ഹാമിലെ വൃദ്ധ മുത്തശ്ശിയാണ് മൂന്ന് ആഴ്ചത്തെ കോവിഡുമായുള്ള പോരാട്ടത്തിന് ശേഷം സുഖം പ്രാപിച്ചത്. എല്ലാ ടെസ്റ്റുകളിലും പരിപൂർണ ആരോഗ്യവതിയാണെന്ന് റിപ്പോർട്ട് ലഭിച്ചതിന് ശേഷമാണ് ഇവർ ആശുപത്രി വിട്ടത്.

“ഈ വൈറസിനെ നേരിടാൻ കഴിഞ്ഞതില്‍ എനിക്ക് ഭാഗ്യമുണ്ടെന്ന് തോന്നുന്നു, എത്രയും വേഗം എന്റെ കുടുംബത്തെ കാണാൻ കാത്തിരിക്കുവാണ്”, ടിച്ചൻ പറഞ്ഞു.

1913 ൽ ജനിച്ച് ടിച്ചനെ മാർച്ച് പകുതിയോടെയാണ് ന്യുമോണിയ ബാധിച്ച് ആശുപത്രിയിൽ പ്രവേശിപ്പിച്ചത്. ഉടൻ തന്നെ COVID-19 രോഗവും കണ്ടെത്തുകയായിരുന്നു. മൂന്ന് ആഴ്ചത്തെ ചികിത്സക്ക് ശേഷമാണ് ഇപ്പോൾ രോഗത്തിൽ നിന്നും മുക്തി നേടിയിരിക്കുന്നത്.