റിയാദ്: കഴിഞ്ഞ ദിവസം ആറ് മരണങ്ങൾ കൂടി റിപ്പോർട്ട് ചെയ്യപ്പെട്ടതോടെ സൗദിയിൽ കോവിഡ് 19 ബാധിച്ച് മരിച്ചവരുടെ എണ്ണം 79 ആയി 493 പേർക്കാണ് കഴിഞ്ഞ 24 മണിക്കൂറിനിടെ രോഗം സ്ഥിരീകരിച്ചത്. ഇതോടെ സൗദിയിൽ ആകെ രോഗബാധിതരുടെ എണ്ണം 5869 ആയി ചികിത്സയിൽ തുടരുന്നവരിൽ 71 പേരുടെ നില ഗുരുതരമാണെന്നാണ് ആരോഗ്യ വകുപ്പ് അധികൃതർ അറിയിച്ചിരിക്കുന്നത്. 913 പേരാണ് ഇതുവരെ രോഗമുക്തരായിട്ടുള്ളത്. മുഖ്യനഗരങ്ങളിൽ 24 മണിക്കൂർ കർഫ്യു അടക്കം രോഗപ്രതിരോധത്തിനായി സാധ്യമായ എല്ലാ മാർഗങ്ങളും കർശനമായി തന്നെ നടപ്പാക്കിയിട്ടുണ്ട്. കൂടുതൽ ആളുകളെ നിരീക്ഷിക്കുമെന്നും അസുഖം കൂടുതല്‍ വ്യാപിക്കാതിരിക്കാനുള്ള കർശന നടപടികള്‍ സ്വീകരിക്കുമെന്നും അധികൃതർ അറിയിച്ചിട്ടുണ്ട്.
