ഇറ്റലിയിലെ മിലാനിലുള്ള ഫ്ലവർ ബർഗർ എന്ന വീഗൻ ബർഗർ റെസ്റ്ററന്റിൽ കാമുകനൊപ്പം ഡിന്നർ കഴിക്കാൻ പോയതായിരുന്നു അന്ന. അവിടെ വെച്ച് യുവതി ടിറാമിസു എന്ന ഒരു ഇറ്റാലിയൻ വിഭവം കഴിച്ചിരുന്നതായും ഇറ്റാലിയൻ ദിനപ്പത്രമായ കൊറിയർ ഡെല്ല സെറയുടെ റിപ്പോർട്ടിൽ പറയുന്നു. ഫാഷൻ വിദ്യാർത്ഥിയായിരുന്നു അന്ന.
ശരീര ഭാരം കുറച്ച പ്രശസ്ത ഫിറ്റ്‌നസ് താരം മരിച്ചു; കാരണം ഹൃദയ സ്തംഭനം
കഴിക്കുന്നതിനു മുൻപ് അന്ന ടിറാമിസുവിന്റെ ലേബൽ പരിശോധിക്കുകയും അതേക്കുറിച്ച് കൂടുതൽ വിവരങ്ങൾ റെസ്റ്ററന്റിലെ ജീവനക്കാരോട് ചോദിച്ചറിയുകയും ചെയ്തിരുന്നു. ടിറാമിസു ഏതാനും സ്പൂണുകൾ മാത്രം കഴിച്ചപ്പോൾ തന്നെ അന്നക്ക് ചുമയും ശ്വാസതടസവും അനുഭവപ്പെട്ടു. ഉടൻ തന്നെ ആസ്ത്മയ്ക്കുള്ള മരുന്നും കോർട്ടിസോണും കഴിച്ചു. എങ്കിലും, അനാഫൈലക്റ്റിക് ഷോക്ക് (anaphylactic shock) ബാധിച്ച് ഉടൻ അന്ന ബോധരഹിതയാകുകയായിരുന്നു.
advertisement
മരിക്കുന്നതിന് മുമ്പ് മിലാനിലെ സാൻ റഫേൽ ആശുപത്രിയിൽ പത്തു ദിവസത്തോളം കോമയിലായിരുന്നു അന്ന. ജനിച്ചപ്പോൾ മുതൽ അന്നക്ക് പാലുത്പന്നങ്ങൾ അലർജി ആയിരുന്നുവെന്ന് മിററിന്റെ റിപ്പോർട്ടിൽ പറയുന്നു. ഫ്ലവർ ബർഗറിനും മറ്റ് 63 റെസ്റ്റോറന്റുകൾക്കും ടിറാമിസു വിതരണം ചെയ്ത തിരിമിസുൻ എന്ന പേസ്ട്രി കമ്പനിക്കെതിരെ നരഹത്യാക്കുറ്റം ചുമത്തി അധികൃതർ അന്വേഷണം നടത്തിയിരുന്നു.
ഒരു അമ്മയും മകളും ചേർന്നാണ് തിരിമിസുൻ കമ്പനി നടത്തുന്നത്. വീഗൻ എന്ന് അവകാശപ്പെടുന്ന ഇവരുടെ ടിറാമിസുവിൽ പാൽ ഉണ്ടോ എന്ന് പരിശോധിക്കാനും ഇവർ ഇതിനകം ഹോട്ടലുകളിലും റസ്റ്റോറന്റുകളിലും നൽകിയ വിഭവങ്ങൾ തിരികെ വിളിക്കാനും ഇറ്റാലിയൻ ആരോഗ്യ മന്ത്രാലയം ഉത്തരവിട്ടിരുന്നു. പരിശോധനയിൽ, തിരിമിസുൻ ബ്രാൻഡിന്റെ ടിറാമിസു ഉത്പന്നങ്ങളിൽ പാലിന്റെയും പാലിൽ അടങ്ങിയിട്ടുള്ള പ്രോട്ടീനിന്റെയും അംശം കണ്ടെത്തിയിട്ടുണ്ട്. ഇവരുടെ സാൻഡ്‌വിച്ച് മയോന്നൈസിൽ മുട്ടയുടെ അംശം ഉള്ളതായും കണ്ടെത്തി.
സംഭവം ഏറെ ദുഃഖകരമാണെന്നും ആശങ്ക ഉളവാക്കുന്നത് ആണെന്നും ഇറ്റാലിയൻ ജഡ്‌ജി ഫിയാമ്മെറ്റ മോഡിക്ക പ്രതികരിച്ചു. ഒരു ഇറ്റാലിയൻ മധുര പലഹാരമാണ് ടിറാമിസു. വടക്കൻ ഇറ്റാലിയൻ പട്ടണമായ ട്രെവിസോയിലാണ് ഈ വിഭവത്തിന്റെ ഉത്ഭവം.