ശരീര ഭാരം കുറച്ച പ്രശസ്ത ഫിറ്റ്‌നസ് താരം മരിച്ചു; കാരണം ഹൃദയ സ്തംഭനം

ശരീര ഭാരം കുറച്ച് സ്വന്തം രൂപത്തിലുണ്ടാക്കിയ വ്യത്യാസത്തിലൂടെ പ്രശസ്തി നേടിയ ബ്രസീലിയൻ ഫിറ്റ്നസ് താരമായ മില ദി ജീസസ് അന്തരിച്ചു. 35 കാരിയായ മില ജനുവരി 12 നാണ് അന്തരിച്ചത്. ഹൃദയ സ്തംഭനമാണ് മരണ കാരണം എന്നാണ് പ്രാഥമിക നിഗമനം. മിലയുടെ തന്നെ ഇൻസ്റ്റഗ്രാം അക്കൗണ്ട് വഴിയാണ് മരണ വാർത്ത പുറത്ത് വിട്ടത്. “ വളരെ ദുഖത്തോടെയാണ് ഞങ്ങൾ ഈ വാർത്ത പങ്ക് വക്കുന്നത്. നമ്മുടെ പ്രിയപ്പെട്ട മില ഈ വെള്ളിയാഴ്ച മരിച്ചു. മിലയുടെ കുടുംബാംഗങ്ങൾക്കും സുഹൃത്തുക്കൾക്കും ഈ വേദനയെ തരണം ചെയ്യാൻ സാധിക്കട്ടെ ” - എന്നായിരുന്നു പോസ്റ്റ്‌.