Actor Bala | ഉദ്ദേശിച്ചത് ആരെയാണ്? തെളിവ് പുറത്തു വിടും എന്ന് ബാല; വഞ്ചകർ എന്നും വഞ്ചകരായി തുടരും എന്ന് നടൻ

പല കാര്യങ്ങളിലും തീർത്തും സ്വാഭാവികമായി പ്രതികരിക്കുന്ന കൂട്ടത്തിലാണ് നടൻ ബാല (Actor Bala). അതിനാൽ നടനെ ചുറ്റിപ്പറ്റിയുള്ള വിവാദങ്ങൾ ഒഴിഞ്ഞ നേരമില്ല എന്നുവേണം പറയാൻ. അടുത്തിടെ ഭാര്യ എലിസബത്ത് ബാലയുടെ ഒപ്പമില്ലാത്ത വിഷയം സോഷ്യൽ മീഡിയയുടെ കണ്ണിൽ പെട്ടിരുന്നു. എലിസബത്ത് മറ്റൊരു നാട്ടിൽ ജോലി ചെയ്യുകയാണ് ഇപ്പോൾ. ബാലയുടെ വീഡിയോസിൽ ഒന്നിലും എലിസബത്തിനെ കാണാൻ സാധിക്കില്ല

സോഷ്യൽ മീഡിയയിൽ നിറഞ്ഞു നിൽക്കുന്ന ചില വ്യക്തികളുമായി ബാല തർക്കത്തിലേർപ്പെട്ട വിവരം ചർച്ചയാക്കപ്പെട്ട വിഷയങ്ങളിൽ ഒന്നാണ്. ആറാട്ടു വർക്കിയുമായുള്ള നടന്റെ ബന്ധവും വിമർശനത്തിന് ഇടയാക്കിയിട്ടുണ്ട്. നടന്റെ മുൻ വിവാഹബന്ധവും മറ്റൊരു കാരണമായിരുന്നു. എന്നാൽ താൻ ചിലർക്കെതിരെ തെളിവ് പുറത്തുവിടുമെന്ന് ബാലയുടെ പുതിയ മുന്നറിയിപ്പ് (തുടർന്ന് വായിക്കുക)

കുറച്ചു നാളുകൾക്ക് മുൻപ് നടൻ ഉണ്ണി മുകുന്ദനുമായി ബാല പ്രതിഫലത്തിന്റെ കാര്യത്തിൽ തെറ്റിയിരുന്നു. എന്നാൽ ബാല സുഖമില്ലാതായി ആശുപത്രിയിൽ ആയതും ആദ്യം ഓടിയെത്തിയത് ഉണ്ണിയാണ്. 'അമ്മ' മീറ്റിംഗിൽ അവർ പിണക്കമില്ലാതെ ഒപ്പം നിന്ന് ഫോട്ടോ എടുത്തു

അതിനു ശേഷമാണ് സോഷ്യൽ മീഡിയയിൽ പ്രശസ്തരായവരുമായി ബാല ഉടക്കിയത്. ഈ വേളയെല്ലാം ഭാര്യ എലിസബത്ത് ഒപ്പമുണ്ടായിരുന്നു. കുറച്ചു നാളുകൾക്ക് മുൻപാണ് എലിസബത്ത് ജോലി തേടി മറ്റൊരുനാട്ടിലെത്തിയത്

ഇവർക്കിടയിൽ എന്തുപറ്റി എന്ന് രണ്ടുപേരുടെയും പോസ്റ്റുകളിൽ ആരാധകർ അന്വേഷിക്കുന്നുണ്ടെങ്കിലും, ബാലയോ എലിസബത്തോ പ്രതികരിക്കാൻ തയാറായിട്ടില്ല. അപ്പോഴാണ് മറ്റൊരു വിവാദത്തിനു തിരികൊളുത്തി അടുത്ത പോസ്റ്റുമായി ബാല വരുന്നത്

വഞ്ചകർ എന്നും വഞ്ചകരായി തുടരും, കാര്യമാക്കേണ്ട. തെളിവ് ഉടനെത്തും. എന്റെ വാക്കുകൾ ശ്രദ്ധിച്ചു കേൾക്കുക. ഞാൻ നിങ്ങളെല്ലാവരെയും സ്നേഹിക്കുന്നു എന്ന് ക്യാപ്‌ഷൻ കൊടുത്ത ശേഷമാണ് ബാലയുടെ വീഡിയോ പോസ്റ്റ്

പണ്ടൊരിക്കൽ ഷൂട്ടിങ്ങിനിടെ ബാലയുടെ കണ്ണിനു പരിക്കേൽക്കുകയും കാഴ്ചയെ ബാധിക്കുകയുമുണ്ടായി. അത് പരിഹരിച്ചെന്നോണം കണ്ണ് ഡോക്‌ടർമാർക്ക്‌ നന്ദി അറിയിക്കുന്നുണ്ട് ബാല. അതിനു ശേഷമാണ് മറ്റു കാര്യങ്ങളിലേക്ക് കടക്കുന്നത്

'ചില കാര്യങ്ങളിൽ മിണ്ടാതിരിക്കുന്നതിനു കാരണമെന്തെന്ന് വച്ചാൽ, ഭക്ഷണം കഴിക്കുമ്പോൾ നമ്മൾ സ്നേഹത്തോടെ ഭക്ഷണത്തെ സമീപിക്കുന്നു. അതുപോലെ റോഡിലെ ചെളി എടുത്തിടാൻ പറ്റുമോ? ചിലർ പബ്ലിസിറ്റി ചെയ്യുന്നു, പച്ചക്കള്ളങ്ങൾ പറയുന്നു' എന്ന് ബാല

എന്നാൽ കമന്റിൽ ബാലയെ ഉപദേശിക്കുന്നവരും കുറവല്ല. ചില കൂട്ടുകെട്ടുകൾ ബാലക്ക് വേണ്ടെന്നുള്ള അഭിപ്രായം പറയുമ്പോൾ, മറ്റു ചിലർ ബാല ഇപ്പോൾ ആരോഗ്യത്തിൽ തീരെ ശ്രദ്ധ നൽകുന്നില്ല എന്ന അഭിപ്രായക്കാരാണ്

കരൾ മാറ്റിവച്ചതിനു ശേഷം ബാല വളരെ പെട്ടെന്നാണ് പൂർണ ആരോഗ്യവാനായി മടങ്ങിയെത്തിയത്. ജിമ്മിൽ വർക്ക്ഔട്ടും മുടക്കിയില്ല. സിനിമയിലേക്ക് ബാല തിരികെയെത്തുക എപ്പോഴെന്ന കാത്തിരിപ്പിലാണ് ആരാധകർ