Actor Rahman | നടൻ റഹ്മാൻ അപ്പൂപ്പനായി; പേരക്കുട്ടിക്കൊപ്പം ആഘോഷ നിമിഷങ്ങളുമായി താരം

നടൻ റഹ്മാൻ (Actor Rahman) എന്നാൽ ഓരോ മലയാളി പ്രേക്ഷകന്റെയും മനസ്സിൽ 'ഒരു മധുരക്കിനാവിൻ ലഹരിയിൽ...' ഗാനത്തിന് മതിമറന്ന് നൃത്തം ചെയ്യുന്ന പയ്യനായാണ്. ആ റഹ്മാൻ ഇതാ അപ്പൂപ്പനായിരിക്കുന്നു എന്ന് പറഞ്ഞാൽ പലർക്കും അത്ഭുതം അടക്കാൻ കഴിഞ്ഞെന്നു വരില്ല. മമ്മൂട്ടി കഴിഞ്ഞാൽ, മലയാള സിനിമയിൽ പ്രായം റിവേഴ്‌സ് ഗിയറിൽ ഓടുന്ന മറ്റൊരു നടന്റെ പേര് പറയാൻ പറഞ്ഞാൽ ഉത്തരം റഹ്മാൻ എന്ന് തന്നെയാണ്

പൊന്നിയിൻ സെൽവനിൽ വളരെ തെളിഞ്ഞു നിന്ന 'ചുള്ളൻ അപ്പൂപ്പൻ' തന്റെ പേരക്കിടാവിനൊപ്പമുള്ള ചില ചിത്രങ്ങളുമായി എത്തുന്നു. മൂത്ത മകൾ റുഷ്‌ദ റഹ്മാന്റെ കടിഞ്ഞൂൽകണ്മണിയാണിത്.  പേരക്കുട്ടിക്കൊപ്പമുള്ള റഹ്മാന്റെ ആദ്യ പെരുന്നാളാണിത് (തുടർന്ന് വായിക്കുക)

അയാൻ റഹ്മാൻ നവാബ് എന്നാണ് ഈ സുന്ദരക്കുട്ടന്റെ പേര്. രണ്ടു പെണ്മക്കളുടെ മാതാപിതാക്കളാണ് റഹ്മാനും ഭാര്യയും. 2021 ഡിസംബർ മാസത്തിലായിരുന്നു റുഷ്‌ദയുടെ വിവാഹം

പോയ വർഷം ഓഗസ്റ്റിൽ റുഷ്‌ദ തനിക്കൊരു കുഞ്ഞ് പിറന്ന വിവരം ഇൻസ്റ്റഗ്രാം പോസ്റ്റിലൂടെ അറിയിച്ചു. അൽത്താഫ് നവാബ് ആണ് റുഷ്‌ദയുടെ ഭർത്താവ്. അയാന്റെ ഹാഫ് ബർത്ത്ഡേ കഴിഞ്ഞിരിക്കുന്നു

റഹ്മാനും ഭാര്യ മെഹറുന്നിസയും മക്കളായ റുഷ്‌ദ, അലീഷ, മരുമകൻ അൽത്താഫ് കൊച്ചുമകൻ അയാൻ എന്നിവർക്കൊപ്പം

സംഗീത സംവിധായകൻ എ.ആർ. റഹ്മാന്റെ ഭാര്യയുടെ സഹോദരിയാണ് നടൻ റഹ്മാന്റെ ഭാര്യ മെഹ്റുന്നിസ. റുഷിൻ റഹ്‌മാൻ എന്നാണ് നടൻ റഹ്മാന്റെ പൂർണ്ണനാമം

സഹോദരിക്കും മകനുമൊപ്പം റുഷ്‌ദ റഹ്മാൻ