'ബിരിയാണിയിലെ രാഷ്ട്രീയം ഇഷ്ടമല്ലെങ്കിലും ചെയ്തത് പണമില്ലാതിരുന്നത് കൊണ്ട്: അന്ന് കുറെ കരഞ്ഞു:' നടി കനി കുസൃതി

കഴിഞ്ഞ കുറച്ചു ദിവസങ്ങളായി നടി കനി കുസൃതിയാണ് സിനിമാ ലോകത്തെ താരം. പാലസ്‌തീൻ ജനതയ്‌ക്ക് ഐക്യദാർഢ്യം പ്രഖ്യാപിച്ച് തണ്ണിമത്തൻ ആകൃതിയുള്ള ബാഗുമായി എത്തിയ കനിയെ തേടി നിരവധി പേർ അഭിനന്ദനങ്ങളുമായെത്തി. 

ഇതിനു പിന്നാലെ കനി കുസൃതി അഭിനയിച്ച ‘ഓൾ വി ഇമാജിൻ ആസ് ലൈറ്റ്’ എന്ന ചിത്രം കാനിൽ ഗ്രാൻഡ് പ്രീ പുരസ്‌കാരത്തിന് തിരഞ്ഞെടുക്കപ്പെട്ടപ്പോൾ അതു കേരളത്തിനും അഭിമാനനിമിഷമായി. (image: facebook/kani kusruti)

ഒട്ടേറെ ചിത്രങ്ങളിൽ അഭിനയിച്ചിട്ടുണ്ടെങ്കിലും 'ബിരിയാണി' എന്ന ചിത്രത്തിലൂടെ മികച്ച നടിക്കുള്ള സംസ്ഥാന അവാർഡ് സ്വന്തമാക്കിയതോടെയാണ് കനി ശ്രദ്ധിക്കപ്പെട്ടത്. വളരെ ബോൾഡായ കഥാപാത്രത്തെയാണ് കനി സിനിമയിൽ അവതരിപ്പിച്ചത്. സിനിമ പുറത്തിറങ്ങിയ സമയം സിനിമ പറയുന്ന രാഷ്ട്രീയത്തിനെതിരെയും കനിക്കെതിരെയും വ്യാപക വിമർശനം ഉയർന്നിരുന്നു. (image: facebook/kani kusruti)

ഇപ്പോൾ കാനിലെ നേട്ടത്തിനു പിന്നാലെ ഒരു ചാനലിന് നൽകിയ അഭിമുഖത്തിൽ, ബിരിയാണിയിൽ അഭിനയിക്കാനുണ്ടായ കാരണം തുറന്നുപറഞ്ഞിരിക്കുകയാണ് താരം. അന്ന് കയ്യില്‍ പണമില്ലാത്തതിനാലാണ് ബിരിയാണിയിൽ അഭിനയിക്കേണ്ടിവന്നതെന്നാണ് കനി വെളിപ്പെടുത്തിയത്. (image: facebook/kani kusruti)

ഇപ്പോൾ കാനിലെ നേട്ടത്തിനു പിന്നാലെ ഒരു ചാനലിന് നൽകിയ അഭിമുഖത്തിൽ, ബിരിയാണിയിൽ അഭിനയിക്കാനുണ്ടായ കാരണം തുറന്നുപറഞ്ഞിരിക്കുകയാണ് താരം. അന്ന് കയ്യില്‍ പണമില്ലാത്തതിനാലാണ് ബിരിയാണിയിൽ അഭിനയിക്കേണ്ടിവന്നതെന്നാണ് കനി വെളിപ്പെടുത്തിയത്. (image: facebook/kani kusruti)

എന്നാൽ സിനിമയിലെ നഗ്ന രംഗങ്ങൾ ചെയ്യാനുള്ള ബുദ്ധിമുട്ട് കാരണം ആരും ചെയ്‌തില്ല. ഒടുവിൽ സജിൻ വീണ്ടും തന്റെയടുത്ത് വരികയായിരുന്നു. അന്ന് 70,000 രൂപയോ മറ്റോ ആണ് അത്രയും ദിവസം വർക്ക് ചെയ്‌തപ്പോൾ കിട്ടിയത്. അതെനിക്ക് വലിയ പൈസയാണ് - കനി പറയുന്നു. (image: facebook/kani kusruti)

'എന്റെ അക്കൗണ്ടിൽ അന്ന് 3000 രൂപയോ മറ്റോ ഉള്ളു. 70,000 കിട്ടിയാൽ അത്രയും നല്ലത് എന്നാണ് ഞാൻ വിചാരിച്ചത്. ഇഷ്‌ടമല്ലാതെ ചെയ്‌തതുകൊണ്ട് കൂട്ടുകാരിയെ വിളിച്ച് ഒരുപാട് കരഞ്ഞു'- അഭിമുഖത്തിൽ കനി പറഞ്ഞു. (image: facebook/kani kusruti)

മികച്ച നിരൂപക പ്രശംസ പിടിച്ചുപറ്റിയ 'ഓൾ വി ഇമാജിൻ ആസ് ലൈ‌റ്റ്' 30 വർഷത്തിന് ശേഷം കാനിലെ മത്സരവിഭാഗത്തിൽ എത്തുന്ന ഇന്ത്യൻ ചിത്രമാണ്. ചിത്രത്തിന്റെ പ്രദർശനം പൂർത്തിയായ ശേഷം എട്ടുമിനിട്ടോളം കാണികൾ എഴുന്നേറ്റ് നിന്ന് കരഘോഷം മുഴക്കി. (image: facebook/kani kusruti)

കനിയ്‌ക്കൊപ്പം മലയാളി നടി ദിവ്യ പ്രഭയും അഭിനയിച്ച 'ഓൾ വി ഇമാജിൻ ആസ് ലൈ‌റ്റ്' എന്ന ചിത്രം സംവിധാനം ചെയ്തത് പായൽ കപാഡിയ ആണ്. നടൻ അസീസ് നെടുമങ്ങാടും ചിത്രത്തിൽ ഒരു ശ്രദ്ധേയ കഥാപാത്രത്തെ അവതരിപ്പിച്ചിട്ടുണ്ട്. (image: facebook/kani kusruti)