Prabhu Deva | മൂന്ന് വർഷങ്ങൾക്ക് ശേഷം പ്രഭു ദേവയുടെ ഭാര്യ ഹിമാനി സിംഗ് പൊതുജനങ്ങൾക്ക് മുന്നിൽ

നടൻ പ്രഭു ദേവയുടെ (Prabhu Deva) വിവാഹവും പ്രണയജീവിതവും എപ്പോഴും വാർത്തകളിൽ നിറഞ്ഞ് നിന്നിരുന്നു. വർഷങ്ങളോളം അദ്ദേഹം ചർച്ചകളുടെ പ്രധാന ശ്രദ്ധാ കേന്ദ്രമായി. ആദ്യ ഭാര്യ റംലത്തിനെ വിവാഹമോചനം ചെയ്യുകയും, നടി നയൻതാരയുമായി ദീർഘ കാലം പ്രണയത്തിലാവുകയും ചെയ്തിരുന്നു. എന്നാൽ ഇവർ ഇരുവഴിക്ക് പിരിയുകയും, രണ്ടുപേരും പുതിയ ജീവിതം ആരംഭിക്കുകയുമായിരുന്നു

ലോക്ക്ഡൗൺ നാളുകളിൽ കൊട്ടും കുരവയും ഇല്ലാതെ അദ്ദേഹം വീണ്ടും വിവാഹിതനായി എന്ന വാർത്തകൾ വീണ്ടും പുറത്തുവന്നു. ഉത്തരേന്ത്യക്കാരിയായ ഫിസിയോ തെറാപ്പിസ്റ്റ് ആണ് പ്രഭുവിന്റെ ഭാര്യ എന്നും വിവരമുണ്ടായി. പക്ഷെ വർഷങ്ങളോളം പ്രഭു ദേവ ഭാര്യയുടെ മുഖം പുറത്തുകാട്ടിയില്ല. എന്നാലിപ്പോൾ ഹിമാനി സിംഗ് എന്ന യുവതി ആദ്യമായി പൊതുജന മദ്ധ്യത്തിലിറങ്ങിയിരിക്കുന്നു (തുടർന്ന് വായിക്കുക)

മൂന്ന് വർഷങ്ങൾക്കിപ്പുറം, തിരുപ്പതി ക്ഷേത്ര സന്ദർശനത്തിനായാണ് പ്രഭു ദേവ ഭാര്യക്കൊപ്പമെത്തിയത്. ഹിമാനിയുടെ കയ്യിൽ മുറുകെപ്പിടിച്ചായിരുന്നു പ്രഭു എത്തിച്ചേർന്നത്. ഹിമാനി മാസ്ക് ധരിച്ചിരുന്നു. എന്നാൽ ഹിമാനിയുടെ മുഖം ഏവരും കണ്ടത് മറ്റൊരു സ്ഥലത്താണ്

പ്രഭുവിന്റെ ജന്മദിനത്തിന് ഫാൻസ്‌ പേജിൽ പ്രത്യക്ഷപ്പെട്ട വീഡിയോയിലാണ് ഹിമാനി എത്തിയത്. പ്രഭുവിനൊപ്പമുള്ള ജീവിതം എത്ര മനോഹരമാണ് എന്ന് ഹിമാനി പറയുകയുണ്ടായി

പ്രഭുവിന്റെ സുന്ദരിയായ ഭാര്യയെ പലരും ആശംസ കൊണ്ട് മൂടി. 2020ലായിരുന്നു പ്രഭു ദേവ, ഹിമാനി സിംഗ് വിവാഹം. 2011ൽ അദ്ദേഹം ആദ്യ ഭാര്യയിൽ നിന്നും വിവാഹമോചനം നേടിയിരുന്നു

പ്രഭുദേവയുടെ ജ്യേഷ്ഠൻ രാജുസുന്ദരമാണ് തന്റെ സഹോദരന്റെ രണ്ടാം വിവാഹവാർത്ത അഭിമുഖത്തിലൂടെ സ്ഥിരീകരിച്ചത്. ആദിക് രവിചന്ദ്രൻ സംവിധാനം ചെയ്ത സൈക്കോളജിക്കൽ റൊമാന്റിക് ത്രില്ലർ 'ബഗീര' ആണ് പ്രഭുദേവയുടെ ഏറ്റവും ഒടുവിൽ റിലീസ് ചെയ്ത ചിത്രം

പക്ഷേ ചിത്രം പ്രതീക്ഷിച്ചത്ര വിജയം നേടിയില്ല. എന്നിരുന്നാലും, പ്രഭുദേവ തന്റെ വൈവിധ്യമാർന്ന രൂപഭാവങ്ങളാൽ ആരാധകരെ ആകർഷിച്ചു