മറഞ്ഞാലും മനസിന്റെയുള്ളിൽ എന്നെന്നും; പ്രിയതമന് ജന്മദിനാശംസ നേരാൻ ഈ ഓർമ്മകൾ കൂടെയുണ്ട്

ഈ ചിത്രം കാണുന്ന നിമിഷം വർഷങ്ങളായി മനസ്സിൽ അലയടിക്കുന്ന ഒരു ഗാനം മലയാളികളുടെ ഓർമയിൽ എത്തിയേക്കും. പ്രേമോദാരനായി, അണയൂ നാഥാ... എന്ന വരികൾക്ക് അത്രയേറെ ചേരുന്ന ഒരു നിമിഷം ജീവിതത്തിൽ നിന്നും അടർത്തിയെടുത്ത പോലെ. ഈ ചിത്രത്തിലെ നായകനും നായികയും ജീവിതത്തിലും ഒന്നിച്ചവരാണ്. പക്ഷേ കാലത്തിന്റെ കണക്കുകൂട്ടലിൽ എവിടെയോ പ്രിയതമൻ കാലയവനികയ്ക്കു പിന്നിൽ മറഞ്ഞു

അച്ഛന്റെ തോളത്തിരിക്കുന്ന മകളും ഇന്ന് സോഷ്യൽ മീഡിയയിലൂടെ പ്രശസ്തയാണ്. മരുമകനും, കൊച്ചുമകളും അങ്ങനെതന്നെ. നൃത്തം ജീവനും ജീവിതവുമായവരാണ് ഇവർ. പിന്നെ അഭിനയലോകത്തും അവർ ഒന്നിച്ചായിരുന്നു (തുടർന്ന് വായിക്കുക)

താരാ കല്യാണും ഭർത്താവ് രാജാ വെങ്കിടേഷും ഒരു കാലത്ത് കേരളത്തിലെ നൃത്ത വേദികളെ കീഴടക്കിയവരാണ്. 2017ൽ കടുത്ത പനിയെതുടർന്നു ചികിത്സയിലിരിക്കെയാണ് രാജ വെങ്കിടേഷിന്റെ മരണം. ഇന്ന് അദ്ദേഹത്തിന്റെ ജന്മദിനമാണ്

'ഹാപ്പി ബർത്ത്ഡേ രാജൻ ചേട്ടാ' എന്ന ക്യാപ്‌ഷനോട് കൂടി അരങ്ങിൽ നിന്നുള്ള ഒരു പഴയകാല ഓർമ ചിത്രമാണ് താര കല്യാൺ ഈ ദിനത്തിൽ പോസ്റ്റ് ചെയ്യുന്നത്

മുതിർന്ന ചലച്ചിത്ര താരം സുബലക്ഷ്മിയുടെ മകളാണ് താരാ കല്യാൺ. മൂന്നു തലമുറകളായി നൃത്തം, അഭിനയം മേഖലകളിൽ ഇവർ സജീവമാണ്

സൗഭാഗ്യയുടെയും ഭർത്താവ് അർജുൻ ശേഖരിന്റെയും ഏക മകൾ സുദർശന അർജുൻ ശേഖറും താര കല്യാണിന്റെ പോസ്റ്റുകളിലെ നിറസാന്നിധ്യമാണ്

സുബലക്ഷ്മിയും താരാ കല്യാണും സൗഭാഗ്യ വെങ്കിടേഷും