Actress Meena| ഈ വർഷത്തെ ആദ്യ അതിഥി കൊറോണ; കോവിഡ് ബാധിച്ചതായി നടി മീന

കോവിഡ് 19 ബാധിച്ചതായി നടി മീന. സോഷ്യൽമീഡിയയിലൂടെയാണ് നടി കോവിഡ് ബാധിതയായ കാര്യം അറിയിച്ചത്.

2022 ൽ വീട്ടിലെത്തി ആദ്യ അതിഥി കൊറോണയാണെന്ന് മീന ഇൻസ്റ്റഗ്രാമിലൂടെ അറിയിച്ചു. കുടുംബത്തിലെ എല്ലാവരേയും പുതിയ അതിഥിക്ക് ഇഷ്ടപ്പെട്ടു. എന്നാൽ അതിഥിയെ കൂടുതൽ നാൾ വീട്ടിൽ നിർത്തില്ലെന്നും താരം പറയുന്നു.

കോവിഡ് പടരാൻ അനുവദിക്കരുതെന്നും എല്ലാവരും ആരോഗ്യത്തോടെയും സുരക്ഷിതരായും ഇരിക്കണമെന്നും നടി ആരാധകരോട് ആവശ്യപ്പെട്ടു. ആരാധകരുടെ പ്രാർത്ഥനയിൽ തന്നേയും കുടുംബത്തേയും ഉൾപ്പെടുത്തണമെന്നും മീന ആവശ്യപ്പെട്ടിട്ടുണ്ട്.

മീനയുടെ ഭർത്താവ് വിദ്യാസാഗർ, അമ്മ രാജമല്ലിക, മകൾ നൈനിക എന്നിവർക്കും കോവിഡ് ബാധിച്ചിട്ടുണ്ട്. നിലവിൽ വീട്ടിൽ ക്വാറന്റീനിലാണ് എല്ലാവരും.

രജനീകാന്ത് നായകനായ അണ്ണാതേയാണ് മീനയുടെ അവസാനം പുറത്തിറങ്ങിയ സിനിമ. മലയാളത്തിൽ ബ്രോ ഡാഡിയാണ് മീനയുടെ ഇനി പുറത്തിറങ്ങാനുള്ള ചിത്രം.

ദൃശ്യം 2 ന് ശേഷം മോഹൻലാലും മീനയും ഒന്നിക്കുന്ന ചിത്രമാണ് ബ്രോ ഡാഡി.

ലൂസിഫറിന് ശേഷം പൃഥ്വിരാജ് സംവിധാനം ചെയ്യുന്ന സിനിമയിൽ ലാലു അലക്സ്, മുരളി ഗോപി, കനിഹ, കല്യാണി പ്രിയദർശൻ, സൗബിൻ ഷാഹിർ എന്നിവരും വേഷമിടുന്നു.