Kartik Aaryan|കല്യാണം കഴിക്കാൻ ബെസ്റ്റ് ടൈം ലോക്ക്ഡൗൺ കാലമെന്ന് കാർത്തിക് ആര്യൻ; കാരണം ഇതാണ്

ലോക്ക്ഡൗൺ കാലമാണ് കല്യാണം കഴിക്കാൻ പറ്റിയ സമയമെന്ന് ബോളിവുഡ്  യുവതാരം കാർത്തിക് ആര്യൻ.

ട്വിറ്ററിൽ ആരാധകർക്കായി നടത്തിയ 'ആസ്ക് മീ എനിത്തിംഗ്' എന്ന സെഷനിൽ ആരാധകന്റെ ചോദ്യത്തിനാണ് കാർത്തിക് ആര്യൻറെ രസകരമായ മറുപടി

കാർത്തിക് ആര്യൻ എപ്പോൾ വിവാഹം കഴിക്കുമെന്ന ആരാധകന്റെ ചോദ്യത്തിനാണ് അദ്ദേഹം ഈ രസകരമായ മറുപടി നൽകിയത്.

പണം ലാഭിക്കണമെങ്കിൽ ലോക്ക്ഡൗണിൽ വിവാഹം കഴിക്കണം എന്നാണ് അദ്ദേഹം പറയുന്നത്.

'ശരിക്കും ഇതാണ് നല്ല സമയം. കാരണം ചെലവ് ഉണ്ടാകില്ല'-ഇതായിരുന്നു കാർത്തിക്കിന്റെ മറുപടി.

ലോക്ക്ഡൗൺ കാലത്ത് കാർത്തിക് ആര്യൻ രഹസ്യമായി വിവാഹിതനായി എന്ന അഭ്യൂഹങ്ങളെ കുറിച്ചായിരുന്നു മറ്റൊരു ആരാധകന് അറിയേണ്ടിയിരുന്നത്.

ഇതിനും രസകരമായ മറുപടിയാണ് അദ്ദേഹം നൽകിയിരിക്കുന്നത്. കാര്യങ്ങൾ ഇങ്ങനെയാണ് പോകുന്നതെങ്കിൽ ലോക്ക്ഡൗൺ കഴിയുമ്പോൾ തനിക്കൊരു കുഞ്ഞുണ്ടാകും എന്നായിരുന്നു മറുപടി.

കാർത്തിക് ആര്യന്റെ നെറ്റ്ഫ്ലിക്സ് അക്കൗണ്ട് പാസ് വേർഡ് ചോദിച്ചവരുമുണ്ട്. ആരാധകരുടെ ചോദ്യങ്ങൾക്ക് രസകരമായിട്ടാണ് അദ്ദേഹം മറുപടി നൽകിയിരിക്കുന്നത്.