പ്രഭു ദേവയ്‌ക്ക്‌ മുംബൈയിൽ രഹസ്യ വിവാഹം? വധു അനന്തിരവൾ അല്ല എന്ന് റിപ്പോർട്ട്

നടനും നർത്തകനുമായ പ്രഭു ദേവ രണ്ടാമതും വിവാഹിതനാവുന്നു എന്ന റിപ്പോർട്ട് ഏതാനും നാളുകൾക്കു മുൻപ് പ്രചരിച്ചിരുന്നു. വർഷങ്ങൾക്കു മുൻപേ ആദ്യ ഭാര്യയിൽ നിന്നും വിവാഹമോചനം നേടിയ പ്രഭു അനന്തിരവളെയാവും വിവാഹം ചെയ്യുക എന്ന തരത്തിലാണ് റിപോർട്ടുകൾ പുറത്തു വന്നത്. പക്ഷെ പ്രഭുവും കൂട്ടരും ഇതിൽ പ്രതികരിച്ചില്ല

എന്നാലിപ്പോൾ താരത്തിന്റെ വിവാഹം കഴിഞ്ഞു എന്ന തരത്തിൽ പുതിയ റിപോർട്ടുകൾ പുറത്തുവരികയാണ്. സെപ്റ്റംബർ മാസത്തിൽ പ്രഭുദേവ വിവാഹിതനായെന്നും മുംബൈയിൽ വച്ചായിരുന്നു വിവാഹമെന്നും റിപ്പോർട്ടിൽ പറയുന്നു. വളരെ അടുത്ത ബന്ധുക്കൾ മാത്രം പങ്കെടുത്ത ചടങ്ങായിരുന്നു, ഇപ്പോൾ രണ്ടുപേരും ചെന്നൈയിൽ ആണ് താമസം എന്നും റിപോർട്ടുകൾ സൂചിപ്പിക്കുന്നു. വധു ആരെന്നും റിപ്പോർട്ടിൽ പറയുന്നു

പുറം വേദനയെ തുടർന്ന് മുംബൈയിൽ ഫിസിയോതെറാപ്പിസ്റ്റിനെ കാണാൻ പോയെന്നും അവിടെ വച്ച് ഇരുവരും തമ്മിൽ പ്രണയത്തിലാവുകയും വിവാഹം കഴിക്കുകയുമായിരുന്നു അത്രേ. നിലവിൽ മൂന്നു ചിത്രങ്ങളുടെ തിരക്കിലാണ് പ്രഭു

തുടക്കത്തിൽ പ്രഭു അനന്തിരവളെ വിവാഹം കഴിക്കും എന്നായിരുന്നു റിപോർട്ടുകൾ. കൊറിയോഗ്രാഫർ മുഗുർ സുന്ദരത്തിന്റെ മകനായ പ്രഭു ദേവയ്‌ക്ക്‌ രണ്ടു സഹോദരന്മാരാണ്. രാജു സുന്ദരം, നാഗേന്ദ്ര പ്രസാദ് എന്നിവരാണ് പ്രഭുവിന്റെ സഹോദരന്മാർ. സാധാരണ ഗതിയിൽ തമിഴ്നാട്ടിൽ സഹോദരിയുടെ മകളെ വിവാഹം ചെയ്യുന്ന പതിവുണ്ട്. എന്നാൽ അതാരാവും എന്നറിയാൻ ഫാൻസ്‌ ഇന്റർനെറ്റ് മുഴുവൻ പരത്തുകയും ചെയ്തു

നടി നയൻതാരയുമായി പ്രഭു പ്രണയത്തിലാവുകയും, വിവാഹം ചെയ്യും എന്നും പ്രതീക്ഷകൾ നിലനിൽക്കെയാണ് 2012ൽ രണ്ടുപേരും ഇരുവഴി പിരിഞ്ഞത്. വളരെ വർഷങ്ങൾക്ക് ശേഷം നയൻസ് തന്റെ കയ്യിൽ പച്ചകുത്തിയിരുന്ന പ്രഭുവിൻറെ പേര് മാറ്റുകയും ചെയ്തു. അതിനോടകം പ്രഭു ആദ്യ ഭാര്യയിൽ നിന്നും വിവാഹ മോചിതനാവുകയും ചെയ്തു

റംലത എന്ന ലതയാണ് പ്രഭുവിന്റെ ആദ്യ ഭാര്യ. ഈ ബന്ധത്തിൽ മൂന്നു കുട്ടികളുണ്ട്