Mohanlal | മുണ്ടുമടക്കി, റെയ്‌ബാൻ വച്ച ജയസൂര്യയെ കാണാൻ ലാലേട്ടൻ വന്നു; കത്തനാറിന്റെ സെറ്റിലെ അപൂർവ കാഴ്ച

മുണ്ടുമടക്കി, റെയ്‌ബാൻ വച്ച് ലാലേട്ടൻ എന്നാകും പാട്ടിൽ പറയുന്നത്. പക്ഷെ ഇവിടെ ആ ലുക്കിലുള്ളത് ജയസൂര്യയാണ് (Jayasurya). അരികിൽ മോഹൻലാലുണ്ട് (Mohanlal). പക്ഷെ വേഷം പാന്റും ഷർട്ടുമാണെന്നേയുള്ളൂ. ജയസൂര്യയുടെ പുതിയ സിനിമയുടെ സെറ്റിൽ സർപ്രൈസ് സന്ദർശനത്തിന് വന്നതാണ് മോഹൻലാൽ. ചിത്രങ്ങൾ ജയസൂര്യ ഇൻസ്റ്റഗ്രാമിൽ പങ്കിട്ടു

കത്തനാർ ലൊക്കേഷനിലാണ് മോഹൻലാൽ വന്നത്. തന്റെ സിനിമയുടെ സെറ്റിൽ എത്തിയതിനു ജയസൂര്യ മോഹൻലാലിനോട് നന്ദി അറിയിച്ചു. 'ഹോം' സിനിമയുടെ സംവിധായകൻ റോജിൻ തോമസിന്റെ അടുത്ത ചിത്രമാണിത് (തുടർന്ന് വായിക്കുക)

അനുഷ്ക ഷെട്ടിയാണ് മറ്റൊരു പ്രധാനവേഷത്തിൽ എത്തുക. അമാനുഷിക ശക്തികൾ സ്വായത്തമാക്കിയ 'കടമറ്റത്ത് കത്തനാരുടെ' കഥയാണ് പ്രതിപാദ്യം

ചിത്രത്തിന്റെ ടീസർ ഏറെ ശ്രദ്ധപിടിച്ചു പറ്റിയിരുന്നു. പ്രമേയവുമായി ചേർന്നുപോകുന്ന തരത്തിലെ ദൃശ്യങ്ങളായിരുന്നു ഈ ടീസറിന്റെ ഉള്ളടക്കം. അനുഷ്ക ഷെട്ടിയുടെ ആദ്യ മലയാള ചിത്രമെന്ന പ്രത്യേകതയുമുണ്ട്

ഇതിനിടെ സിനിമയുടെ രണ്ടു ഷെഡ്യൂളുകൾ പൂർത്തിയായിക്കഴിഞ്ഞു. മൂന്നാമത് ഷെഡ്യൂൾ നടന്നു വരികയാണ്. അതിനൂതന സാങ്കേതിക സംവിധാനങ്ങളുടെ സഹായത്തോടെയാണ് ചിത്രം ഒരുങ്ങുക

40 ഏക്കർ ഭൂമിയിലെ നാൽപ്പതിനായിരം ചതുരശ്രയടിയിൽ ഒരുങ്ങിയ സെറ്റ് വാർത്തകളിൽ ഇടം നേടിയിരുന്നു. ശ്രീഗോകുലം മൂവീസ് ആണ് നിർമാണം. അതിഭീമമായ ബജറ്റാണ് ചിത്രത്തിന് വേണ്ടി ഒരുക്കിയിട്ടുള്ളത്

ജയസൂര്യ മാത്രം നായകനായി ഏറെക്കാലത്തിനു ശേഷം പുറത്തിറങ്ങുന്ന ചിത്രമാകും 'കത്തനാർ'. മൊത്തം 200 ദിവസത്തെ ചിത്രീകരണമാണ് ഈ സിനിമയ്ക്കായി മാറ്റിവച്ചിരിക്കുന്നത്