Mohanlal and Sreenivasan | മോഹൻലാലും ശ്രീനിവാസനും ഒരേ വേദിയിൽ; ഒപ്പം സത്യൻ അന്തിക്കാടും

വിജയനും ദാസനും എന്ന പേര് മതി മലയാള സിനിമയിൽ ഈ ഹിറ്റ് താരങ്ങളെ രേഖപ്പെടുത്തിയ ചിത്രങ്ങളുടെ പട്ടിക ഓർത്തെടുക്കാൻ. മോഹൻലാലും (Mohanlal) ശ്രീനിവാസനും (Sreenivasan) അഭിനയിച്ച സിനിമകൾ അക്കാലത്തേതു മാത്രമല്ല, ഇന്നത്തെ തലമുറയെയും ആകർഷിക്കുന്ന ചിത്രങ്ങളാണ്. അതാണ് അവയുടെ സവിശേഷതയും. നാടോടിക്കാറ്റ്, അക്കരെ അക്കരെ അക്കരെ, മുകുന്ദേട്ടാ സുമിത്ര വിളിക്കുന്നു, അയാൾ കഥയെഴുതുകയാണ് എന്നീ ചിത്രങ്ങൾ ഉദാഹരണം

വളരെ വർഷങ്ങൾക്ക് ശേഷം ആ നായകന്മാർ ഒന്നിച്ചൊരു വേദിയിൽ എത്തിയിരിക്കുന്നു. ശ്രീനിവാസന്റെ കവിളിൽ മോഹൻലാൽ മുത്തമിടുന്ന  സമയം സാക്ഷിയായി സത്യൻ അന്തിക്കാടുമുണ്ട്. ടി.വി. ചാനൽ ഷോയിലാണ് ഇരുവരും ഒന്നിച്ചെത്തുന്നത് (തുടർന്ന് വായിക്കുക)  

പൂച്ചക്കൊരു മൂക്കുത്തി, അരം + അരം കിന്നരം സിനിമകളിൽ തുടങ്ങി 1987ൽ പുറത്തിറങ്ങിയ 'നാടോടിക്കാറ്റ്' ആണ് ഇവരുടെ 'സൂപ്പർ ജോഡി'യുടെ പ്രതീകമായ ആദ്യ ചിത്രം. ഇവിടെ നിന്നുമാണ് ഇന്നും മീമുകളുടെ ഇഷ്‌ട താരങ്ങളായ വിജയന്റെയും ദാസന്റെയും ജൈത്രയാത്ര ആരംഭിക്കുന്നത്

'പട്ടണപ്രവേശത്തിൽ' മറ്റൊരു കേസ് അന്വേഷണവുമായി പോയ ഇരുവരുടെയും നർമ്മം നിറഞ്ഞ പ്രകടനം പ്രേക്ഷകർ ഏറ്റെടുത്തു  

ശേഷം കുറ്റാന്വേഷണ വിദഗ്ധരായ ഇവർ അമേരിക്കയിൽ പോയി കേസന്വേഷണം നടത്തുന്ന ഭാഗമായ 'അക്കരെ അക്കരെ അക്കരെ'യും ജനപ്രീതി നേടി. അമേരിക്കയിൽ തന്നെ ചിത്രീകരിച്ച ആദ്യ മലയാള ചിത്രങ്ങളിൽ ഒന്നായിരുന്നു ഇത് 

സൂപ്പർ ഹിറ്റ് ചിത്രമായ 'ഉദയനാണ് താരത്തിന്' ശേഷം ഫാമിലി എന്റെർറ്റൈനെർ കൂടിയായ 'ഒരു നാൾ വരും' ആണ് ഇവർ ഒന്നിച്ച ഏറ്റവും അവസാനത്തെ മലയാള ചിത്രം. 2010ലാണ് ഈ സിനിമ റിലീസ് ചെയ്തത്