Prithviraj in Barroz | അന്ന് ക്യാമറയ്ക്കു മുന്നിൽ മോഹൻലാലും പിന്നിൽ പൃഥ്വിരാജും, ഇന്ന് നേരെ തിരിച്ച്; ബറോസ് ലൊക്കേഷനിലെ ചിത്രവുമായി പൃഥ്വി

അന്ന് ലൂസിഫർ സിനിമയിൽ പൃഥ്വിരാജ് എന്ന സംവിധായകൻ ക്യാമറയ്ക്കു പിന്നിലും മോഹൻലാൽ എന്ന നായകൻ മുന്നിലും. ഇന്നാകട്ടെ ആ പതിവ് നേരെ തിരിച്ചായി. 'ബറോസ്' സിനിമയുടെ ലൊക്കേഷനിൽ മോഹൻലാലിൻറെ നിർദ്ദേശപ്രകാരം അഭിനയിക്കുന്ന ചിത്രം പൃഥ്വിരാജ് ഇൻസ്റ്റഗ്രാമിൽ പോസ്റ്റ് ചെയ്തു

മോഹൻലാൽ ആദ്യമായി സംവിധാനം ചെയ്യുന്ന ബാറോസ് ചിത്രത്തിന്റെ പ്രീ-പ്രൊഡക്ഷൻ ജോലികൾ  തുടങ്ങിയ ശേഷമുള്ള ചിത്രമാണിത്. 2021 മാർച്ച് മാസം ഷൂട്ടിംഗ് ആരംഭിച്ചിരുന്നു . മോഹൻലാലും പൃഥ്വിരാജും ആന്റണി പെരുമ്പാവൂരും കൂടിയുള്ള ആദ്യഘട്ട ചർച്ചകളുടെ ചിത്രങ്ങൾ ആശിർവാദ് പ്രൊഡക്ഷൻസ് ആണ് പോസ്റ്റ് ചെയ്തത് (തുടർന്ന് വായിക്കുക)

ചിത്രം ത്രീഡിയിലാണ് ഒരുക്കുന്നതെന്ന് മോഹൻലാൽ വ്യക്തമാക്കിയിരുന്നു. ത്രീഡി സ്റ്റേജ് ഷോ എന്ന ആശയവുമായി ബന്ധപ്പെട്ട ചർച്ചയിൽ നിന്നാണ് ആദ്യ സിനിമയിലേക്ക് എത്തിയതെന്ന് താരം വെളിപ്പെടുത്തി. കൊച്ചി കാക്കനാടുള്ള നവോദയ സ്റ്റുഡിയോയിൽ  ആയിരുന്നു പ്രീ-പ്രൊഡക്ഷൻ ജോലികൾ ആരംഭിച്ചത്. സെറ്റ് ഡിസൈൻ, ആർട്ട് വർക്കുകൾ, സംഗീതം, 3D സംബന്ധിയായ വർക്കുകൾ ഒരു വർഷമായി ഇവിടെ നടന്നിരുന്നു

ബാറോസ്: ഗാർഡിയൻ ഓഫ് ഡി'ഗാമാസ് ട്രെഷർ എന്ന പേരിലെ നോവൽ അടിസ്ഥാനമാക്കി ജിജോ പുന്നൂസ് ആണ് തിരക്കഥയൊരുക്കുന്നത്. ബാറോസ് എന്ന നിധിസൂക്ഷിപ്പുകാരന്റെ വേഷം മോഹൻലാൽ ചെയ്യും. ഗോവയും പോർട്ടുഗലുമാണ്‌ പ്രധാന ലൊക്കേഷനുകൾ

ആന്റണി പെരുമ്പാവൂർ നിർമ്മിക്കുന്ന ചിത്രം പരമാവധി ഒന്നേമുക്കാൽ മണിക്കൂർ ദൈർഖ്യം വരുന്നതാവും. പൃഥ്വിരാജ്, പാസ് വേഗ, പ്രതാപ് പോത്തൻ തുടങ്ങിയവരാണ് മുഖ്യകഥാപാത്രങ്ങളെ അവതരിപ്പിക്കുക