Pushpa The Rule| 350 കോടിയിൽ ഒരുങ്ങുന്ന പുഷ്പ 2; അല്ലു അർജുന്റെ പുഷ്പ 2 ചിത്രീകരണം ഉടൻ

ഈ വർഷം ഏറ്റവും കൂടുതൽ പ്രതീക്ഷയോടെ കാത്തിരിക്കുന്ന ചിത്രമാണ് അല്ലു അർജുൻ നായകനാകുന്ന പുഷ്പ: ദി റൂൾ (Pushpa The Rule). ആദ്യ ഭാഗത്തിന്റെ ഗംഭീര വിജയം രണ്ടാം ഭാഗവും ആവർത്തിക്കുമെന്ന പ്രതീക്ഷയിലാണ് അല്ലു അർജുൻ ആരാധകർ.

പുഷ്പ 2 വിന്റെ ചിത്രീകരണം ഈ മാസമോ ഓഗസ്റ്റിലോ ആരംഭിക്കുമെന്നാണ് അണിയറ പ്രവർത്തകർ നൽകുന്ന സൂചന. തിരക്കഥയിൽ അവസാനവട്ട മിനുക്കുപണികളുടെ തിരക്കിലാണ് സംവിധായകൻ സുകുമാർ.

പുതിയ റിപ്പോർട്ടുകൾ അനുസരിച്ച് വൻ ബജറ്റിലാണ് പുഷ്പ 2 ഒരുക്കുന്നത്. ഏകദേശം 350 കോടിയാണത്രേ ചിത്രത്തിന്റെ പ്രതീക്ഷിക്കുന്ന മുതൽമുടക്ക്.

അതേസമയം, ചിത്രത്തിന്റെ നിർമാതാക്കളോ അണിയറ പ്രവർത്തകരോ വാർത്തയെ കുറിച്ചുള്ള ഔദ്യോഗിക സ്ഥിരീകരണം നൽകിയിട്ടില്ല. ചിത്രത്തെ കുറിച്ചുള്ള മറ്റൊരു പ്രധാന വാർത്ത വിജയ് സേതുപതിയുടെ എൻട്രിയാണ്.

ഫഹദ് ഫാസിലിന്റെ വില്ലൻ കഥാപാത്രത്തിനൊപ്പം പുഷ്പയ്ക്ക് വെല്ലുവിളി ഉയർത്താൻ വിജയ് സേതുപതിയും എത്തുന്നുവെന്നാണ് വാർത്തകൾ.

രണ്ടാം ഭാഗത്തിൽ രശ്മിക മന്ദാന അവതരിപ്പിച്ച നായികാ കഥാപത്രം ശ്രീവല്ലി കൊല്ലപ്പെടുമെന്നും വാർത്തകളുണ്ടായിരുന്നു. എന്നാൽ അണിയറ പ്രവർത്തകർ ഈ വാർത്ത തള്ളിയിട്ടുണ്ട്.

അടുത്ത വർഷമായിരിക്കും പുഷ്പ 2 തിയേറ്ററുകളിൽ എത്തുക. ഫഹദ് ഫാസിലും രശ്മികയും അല്ലു അർജുനൊപ്പം പ്രധാന വേഷത്തിൽ പുഷ്പയിൽ എത്തും.