മോഹൻലാലിന്റെ നായികയാവാൻ ക്ഷണം; ആ അവസരം വേണ്ടെന്ന് വച്ച് പൊന്നമ്മ ബാബു

നാടകം, സീരിയൽ രംഗങ്ങളിൽ നിന്നും സിനിമയിലെത്തിയ അഭിനേത്രിയാണ് മലയാളികളുടെ ഇഷ്‌ട താരം പൊന്നമ്മ ബാബു. സീരിയസ്, കോമഡി വേഷങ്ങൾ ഒരേപോലെ കൈകാര്യം ചെയ്യാനുള്ള മിടുക്കാണ് പൊന്നമ്മയെ പ്രേക്ഷകർക്ക് പ്രിയങ്കരിയാക്കിയതും. എന്നാൽ മോഹൻലാലിന്റെ നായികയായി പൊന്നമ്മയെ ബിഗ് സ്‌ക്രീനിൽ കാണാൻ പ്രേക്ഷകർക്ക് ഒരവസരം ഉണ്ടായേനെ. ആ കഥ ഇങ്ങനെ:

പൊന്നമ്മ ബാബു ആദ്യമായി വെള്ളിത്തിരയിലെത്തുന്നത് 1996ലെ ദിലീപ് ചിത്രം പടനായകനിലൂടെയായിരുന്നു. പിന്നെ അങ്ങോട്ട് സൂപ്പർ താരങ്ങളുടെ ചിത്രങ്ങളിൽ വച്ചടി വച്ചടി കേറ്റമായിരുന്നു പൊന്നമ്മക്ക്. ഇപ്പോൾ സിനിമാ ജീവിതം രണ്ടര പതിറ്റാണ്ടടുക്കുമ്പോഴും തൊട്ടതെല്ലാം പൊന്നാക്കി പൊന്നമ്മയുടെ സിനിമാ ജീവിതം മുന്നേറുന്നു

പൊന്നമ്മക്ക് മോഹൻലാലിന്റെ നായികയാവാൻ അവസരം വന്നു ചേർന്നിരുന്നു. എന്നാൽ മറ്റൊരു പ്രധാന കാര്യത്തിനായി അത് വേണ്ടെന്ന് വയ്ക്കുകയാണ് പൊന്നമ്മ ചെയ്തത്. കാരണമിങ്ങനെ:

1982ലെ മോഹൻലാൽ ചിത്രം 'എന്റെ മോഹങ്ങൾ പൂവണിഞ്ഞു'വിൽ ഒരുപക്ഷെ മേനകക്ക് പകരം പ്രേക്ഷകർ കാണേണ്ടിയിരുന്നത് പൊന്നമ്മ ബാബുവിനെ ആയിരുന്നു. എന്നാൽ വിവാഹം അടുത്ത പൊന്നമ്മ ആ അവസരം വേണ്ടെന്ന് വയ്ക്കുകയായിരുന്നു. ബാബുവുമായുള്ള വിവാഹം കഴിയുകയും ചെയ്തു. പിന്നെ വർഷങ്ങൾക്ക് ശേഷം മോഹൻലാൽ ചിത്രങ്ങളിൽ പൊന്നമ്മ വേഷമിട്ടു

റൺ ബേബി റൺ, ട്വന്റി ട്വന്റി, ബാബ കല്യാണി, ഹരിഹരൻ പിള്ള ഹാപ്പിയാണ്, പ്രജ, ലൈഫ് ഈസ് ബ്യൂട്ടിഫുൾ തുടങ്ങിയ മോഹൻലാൽ ചിത്രങ്ങളിൽ പൊന്നമ്മ വേഷമിട്ടു. അന്നത്തെ ആ നായികാ വേഷം എടുത്തിരുന്നെകിൽ ഇന്ന് കരിയർ തന്നെ മാറിമറിഞ്ഞേനെ എന്ന് പൊന്നമ്മ പിൽക്കാലത്ത് പറഞ്ഞതായും റിപോർട്ടുകൾ ഉണ്ട്

പൊന്നമ്മ ബാബുവിന്റെ പഴയകാല ചിത്രം

പൊന്നമ്മ ബാബുവും കുടുംബവും

ഭദ്രൻ സംവിധാനം ചെയ്ത 'എന്റെ മോഹങ്ങൾ പൂവണിഞ്ഞു' സിനിമയുടെ പോസ്റ്ററിൽ മേനക, ശങ്കർ, മോഹൻലാൽ