IPL 2020 | ആറാം ഐപിഎൽ കിരീടം തേടി രോഹിത് ശർമ്മ; പുതിയ തന്ത്രങ്ങളുമായി താരം

ടീം ഇന്ത്യയുടെ വൈസ് ക്യാപ്റ്റനായ രോഹിത് ശർമ്മയാണ് ഐപിഎല്ലിൽ ഏറ്റവുമധികം തവണ കിരീടം നേടിയ മുംബൈ ഇന്ത്യൻസ് ടീമിനെ ഇത്തവണ നയിക്കുന്നത്. ഇന്ത്യൻ പ്രീമിയർ ലീഗ് ചരിത്രത്തിലെ ഏറ്റവുമധികം വിജയം കൈവരിച്ച ക്യാപ്റ്റനാണ് രോഹിത് ശർമ.

ഇതുവരെ 5 തവണ ഐപിഎൽ കിരീടങ്ങളിൽ രോഹിത് ശർമ ചുംബിച്ചു. 2009ൽ ജേതാക്കളായ ഡെക്കാൻ ചാർജേഴ്സ് ടീമിന്‍റെ ഭാഗമായിരുന്നു ഹിറ്റ്മാൻ.

2013, 2015, 2017, 2019 വർഷങ്ങളിൽ ചാമ്പ്യൻമാരായ മുംബൈ ഇന്ത്യൻസ് ടീമിനൊപ്പവും രോഹിത് ഉണ്ടായിരുന്നു. ഇത്തവണയും മുംബൈ ഇന്ത്യൻസിന് കിരീടം നേടാനാകുമെന്ന പ്രതീക്ഷയിലാണ് രോഹിത് ശർമ്മ.

അതേസമയം, രോഹിത് ശർമ ഇത്തവണ ഐപി‌എൽ കളിക്കുമോ എന്ന ചോദ്യം കുറച്ചുദിവസമായി ഉയരുന്നുണ്ട്. കാൽമുട്ട് വേദനയെത്തുടർന്ന് ഹിറ്റ്മാൻ ഇന്ത്യൻ ടീമിൽനിന്ന് പറത്തായിരുന്നു.

പിന്നീട് ചികിത്സ തേടിയെങ്കിലും കൊറോണ കാരണം അദ്ദേഹത്തിന് കളത്തിലേക്ക് മടങ്ങിയെത്താനായില്ല. ഇന്ത്യൻ പ്രീമിയർ ലീഗിൽ കളിക്കാൻ രോഹിതിന് സാധിക്കുമോ?

അനിശ്ചിതത്വങ്ങൾക്കൊടുവിൽ ഈ വർഷത്തെ ഐപിഎൽ യുഎഇയിൽ നടക്കാൻ പോകുകയാണ്, ഹിറ്റ്മാൻ കൂടുതൽ കരുത്തനായി ക്രീസിലേക്ക് എത്തുമെന്ന് പറയാം.

ഐപിഎല്ലിൽ കൂടുതൽ പ്രതീക്ഷയോടെ ഇറങ്ങുമെന്ന് സൂചിപ്പിക്കുന്ന ഒരു ചിത്രം രോഹിത് ശർമ്മ ഇന്നു പങ്കുവെച്ചു. ബാറ്റുകളുടെ ചിത്രം പങ്കുവെച്ച ശേഷം എന്‍റെ ആയുധങ്ങളുടെ ശേഖരം എന്ന അടികുറിപ്പാണ് രോഹിത് നൽകിയിരിക്കുന്നത്.