Bev Q App Explained | ബെവ് ക്യൂ ആപ്പ് റെഡി: മദ്യം വാങ്ങാൻ ഇങ്ങനെ ടോക്കണെടുക്കാം

കൊച്ചി: ബെവ് ക്യു ആപ്പിലൂടെ എങ്ങിനെ മദ്യം വാങ്ങാനുള്ള ടോക്കണ്‍ എങ്ങനെ സ്വന്തമാക്കാമെന്ന് വിശദീകരിച്ച് ആപ്പ് നിർമ്മാണ കമ്പനി. മലയാളത്തിലും ഇംഗ്ലീഷിലും ആപ്പിലെ നിര്‍ദ്ദേശങ്ങള്‍ ലഭ്യമാണ്

ബിവറേജസ് കോര്‍പറേഷനുവേണ്ടി ആപ്പ് നിര്‍മ്മിച്ച കൊച്ചിയിലെ ഫെയര്‍കോഡ് ടെക്‌നോളജീസാണ് ആപ്പ് എങ്ങിനെ ഉപയോഗിയ്ക്കാം എന്ന് വിശദീകരിച്ചിരിക്കുന്നത്.

ഉപഭോക്താവിന്റെ പേര് മൊബൈല്‍ നമ്പര്‍ പിന്‍കോഡ് എന്നിവ നല്‍കി ആപ്പില്‍ പ്രവേശിയ്ക്കാം.തുടര്‍ന്ന് ആറക്ക സ്ഥിരീകരണ കോഡ് ലഭിക്കും.

കോഡ് ലഭിച്ചില്ലെങ്കില്‍ വീണ്ടും ശ്രമിയ്ക്കുക. തുടര്‍ന്ന് മദ്യം വാങ്ങാനുള്ള പേജിലേക്ക് പ്രവേശിയ്ക്കാനാവും ഇവിടെ മദ്യം അല്ലെങ്കില്‍ ബിയര്‍, വൈന്‍ എന്നിങ്ങനെ തെരഞ്ഞെടുക്കാം.

നടപടിക്രമങ്ങള്‍ പൂര്‍ത്തിയായാല്‍ ക്യൂ.ആര്‍ കോഡുള്ള ടോക്കണ്‍ ലഭിയ്ക്കും.

നിശ്ചിത ടൈം സ്ലോട്ട് ലഭ്യമല്ലെങ്കില്‍ ലഭ്യമല്ലെ അന്നും മറുപടിയും ലഭിയ്ക്കും

മദ്യം വാങ്ങാന്‍ ഔട്ടലെറ്റുകളിലോ ബാറികളിലോ എത്തുമ്പോള്‍ പാലിയ്‌ക്കേണ്ട നടപടിക്രമങ്ങളും ആപ്പില്‍ രേഖപ്പെടുത്തിയിട്ടുണ്ട്.