മനുഷ്യ മഹാശൃംഖലയ്ക്ക് പിന്തുണയുമായി നവദമ്പതിമാരും; അണിചേർന്ന് സിസ്റ്റർ ലൂസി കളപ്പുര

എൽ ഡി എഫിന്‍റെ മനുഷ്യ മഹാശൃംഖലയിൽ അണിചേർന്ന് സിസ്റ്റർ ലൂസി കളപ്പുര.

മനുഷ്യനെ വിഭജിക്കുന്ന രാഷ്ട്രീയ നിർവചനങ്ങളോട് താൽപര്യമില്ലെന്നും ഭരണഘടന സംരക്ഷണം ജനാധിപത്യ സംരക്ഷണമെന്നും സിസ്റ്റർ പറഞ്ഞു.

ഈ വിഷയത്തിൽ സഭയുടെ നിലപാട് പലപ്പോഴും ഒത്തുതീർപ്പ് തീരുമാനങ്ങളാണെന്നും സിസ്റ്റർ ലൂസി കളപ്പുര പറഞ്ഞു.

അതേസമയം, വയനാട്ടിൽ മനുഷ്യ മഹാശൃംഖലയിൽ അണിചേർന്ന് നവദമ്പതികളും.

ഇന്നു രാവിലെ വിവാഹിതരായ വൈത്തിരിസ്വദേശികളായ യുവതിയും യുവാവുമാണ് വൈകിട്ട് വിവാഹവേഷത്തിൽ കൽപ്പറ്റ പുതിയ ബസ് സ്റ്റാൻഡ് പരിസരത്ത് അണിചേർന്ന ശൃംഖലയിൽ കൈകോർക്കാൻ എത്തിയത്.

വൈത്തിരി സ്വദേശികളായ ശ്രുതിയും പ്രവീണുമാണ് ഈ ദമ്പതികൾ. പ്രവീൺ ഡിവൈഎഫ്ഐ വൈത്തിരി മേഖലാ ട്രഷറർ കൂടിയാണ്.