പ്രണയം മനസുകൾ തമ്മിൽ; പ്രണവിന് കൂട്ടായി ഇനി ഷഹാനയുണ്ട്

ഇന്നായിരുന്നു ആ പ്രണയസാഫല്യ ദിനം. പ്രണയത്തിന് അതിർ വരമ്പുകളില്ലെന്നാണ് പറയുക. ആ വാക്കുകള്‍ അര്‍ഥവത്താക്കുകയായിരുന്നു പ്രണവും ഷഹാനയും.

തളര്‍ന്ന ശരീരവുമായി ജിവിക്കുന്ന പ്രണവിന് കൂട്ടായി ഇനി ഷഹാനയുണ്ട്. ഇരിഞ്ഞാലക്കുട സ്വദേശിയായ പ്രണവിന്റെയും ഷഹാനയുടെയും വിവാഹ വീഡിയോയാണ് ഇപ്പോള്‍ വൈറലായി കൊണ്ടിരിക്കുന്നത്.

ആറു വർഷം മുമ്പ് നടന്ന ഒരു ബൈക്ക് ആക്‌സിഡന്റില്‍ പരുക്ക് പറ്റി നെഞ്ചിന് താഴെ മുഴുവന്‍ തളര്‍ന്ന് കിടക്കയിലാണ് പ്രണവ്. എന്നാലും പ്രണവിനെ കൈവിടാന്‍ പ്രണയിനി ഷഹാനയ്ക്കായില്ല

എല്ലാവരും എതിര്‍ത്തിട്ടും ഷഹാന തന്റെ പ്രണയത്തില്‍ ഉറച്ച് നിന്നു. സോഷ്യല്‍ മീഡിയ മുഴുവന്‍ ആശംസകള്‍ക്കൊണ്ട് മൂടുകയാണ് ഈ ദമ്പതികളെ.

വീല്‍ചെയറിലിരുന്നാണ് പ്രണവ് അമ്പലത്തില്‍ വിവാഹത്തിനെത്തിയത്. വീല്‍ ചെയറില്‍ താലികെട്ടി സിന്ദൂരം തൊട്ട് ഷഹാനയെ പ്രണവ് ജീവിത പങ്കാളിയാക്കി.