ബോളിവുഡിൽ മാത്രമല്ല, ക്രിക്കറ്റ് ലോകത്തും ഇത് വിവാഹ സീസൺ; ഈ വർഷം വിവാഹിതരായ ക്രിക്കറ്റ് താരങ്ങൾ

ബോളിവുഡിൽ ഇന്ന് വീണ്ടുമൊരു വിവാഹ ആഘോഷത്തിനു തുടക്കമാകുകയാണ്. സിദ്ധാർത്ഥ് മൽഹോത്ര-കിയാര അദ്വാനി വിവാഹം ഇന്നു മുതൽ ഫെബ്രുവരി 6 വരെയാണ് ജയ്സാൽമേറിൽ നടക്കുന്നത്.

ബോളിവുഡിൽ മാത്രമല്ല, ക്രിക്കറ്റ് ലോകത്തും ഇത് വിവാഹ സീസണാണ്. ഇന്ത്യൻ ക്രിക്കറ്റ് താരം കെഎൽ രാഹുലും സുനിൽ ഷെട്ടിയുടെ മകളും നടിയുമായ അതിയ ഷെട്ടിയും തമ്മിലുള്ള വിവാഹം ദിവസങ്ങൾക്ക് മുമ്പാണ് കഴിഞ്ഞത്. (Image: Twitter)

പാകിസ്ഥാൻ ക്രിക്കറ്റ് താരം ഷഹീൻ അഫ്രീദിയുടെ വിവാഹം കഴിഞ്ഞ ദിവസമായിരുന്നു. മുൻ പാക് താരം ഷാഹിദ് അഫ്രീദിയുടെ മകൾ അൻഷ അഫ്രീദിയുമായിട്ടായിരുന്നു ഷഹീൻ അഫ്രീദിയുടെ വിവാഹം.

കറാച്ചിയിൽ നടന്ന വിവാഹത്തിൽ പാക് ക്രിക്കറ്റ് ലോകത്തെ പ്രമുഖരെല്ലാം പങ്കെടുത്തിരുന്നു. പാക് ക്യാപ്റ്റൻ ബാബർ അസം, സർഫറാസ് ഖാൻ, നസീം ഷാ, ഷദാബ് ഖാൻ തുടങ്ങിയ താരങ്ങളെല്ലാം വിവാഹത്തിൽ പങ്കെടുത്തു.

ഷദാബ് ഖാൻ ആണ് വിവാഹിതനായ മറ്റൊരു പാക് ക്രിക്കറ്റ് താരം. പാക് കോച്ചും മുൻ താരവുമായ സാഖ്‌ലിൻ മുഷ്താഖിന്റെ മകളുമായിട്ടായിരുന്നു ഷദാബ് ഖാന്റെ വിവാഹം. അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത സ്വകാര്യ ചടങ്ങിലായിരുന്നു താരത്തിന്റെ വിവാഹം.

ഷാൻ മസൂദിന്റെ വിവാഹത്തോടെയായിരുന്നു പാക് ക്രിക്കറ്റ് ലോകത്തെ വിവാഹ സീസൺ ആരംഭിച്ചത്. ജനുവരി 27 ന് നടന്ന വിവാഹത്തിൽ ഷാഹിദ് അഫ്രീദി, ഷദാബ് ഖാൻ തുടങ്ങി പ്രമുഖ താരങ്ങളെല്ലാം പങ്കെടുത്തിരുന്നു. (image: twitter)

ഇന്ത്യൻ ക്രിക്കറ്റ് താരം അക്സർ പട്ടേൽ ആണ് ഈ വർഷം വിവാഹിതനായ മറ്റൊരു താരം. ജനുവരി 26 നായിരുന്നു വിവാഹം. അടുത്ത സുഹൃത്തുക്കളും ബന്ധുക്കളും മാത്രമായിരുന്നു വിവാഹത്തിൽ പങ്കെടുത്തത്.

ഇനി അടുത്തത് ഷർദുൽ താക്കൂറിന്റെ വിവാഹമാണ്. 2021 നവംബർ 29 നായിരുന്നു താരത്തിന്റെ വിവാഹ നിശ്ചയം. ഫെബ്രുവരി 27 നാണ് താരത്തിന്റെ വിവാഹം നിശ്ചയിച്ചിരിക്കുന്നത്.