Stuart Broad|ടെസ്റ്റിൽ ചരിത്ര നേട്ടവുമായി സ്റ്റുവർട്ട് ബ്രോഡ്; ഇനി '500 ക്ലബിൽ ' അംഗം

മാഞ്ചസ്റ്റർ: ടെസ്റ്റ് ക്രിക്കറ്റിൽ 500 വിക്കറ്റുകളെന്ന നാഴികക്കല്ല് പിന്നിട്ട് ഇംഗ്ലണ്ട് പേസ് ബൗളർ സ്റ്റുവർട്ട് ബ്രോഡ്. വെസ്റ്റിൻഡീസിനെതിരായ മൂന്നാം ക്രിക്കറ്റ് ടെസ്റ്റിന്റെ അഞ്ചാം ദിനം ഓപ്പണർ ക്രെയ്ഗ് ബ്രാത്ത്വെയ്റ്റിനെ പുറത്താക്കിയതോടെയാണ് ബ്രോഡ് ഈ ചരിത്ര നേട്ടം സ്വന്തമാക്കിയത്.

ഇംഗ്ലണ്ടിനായി ടെസ്റ്റിൽ 500 വിക്കറ്റുകൾ തികയ്ക്കുന്ന രണ്ടാമത്തെ താരമാണ് ബ്രോഡ്. 2017-ൽ ജെയിംസ് ആൻഡേഴ്സനാണ് ഈ നേട്ടം ആദ്യം സ്വന്തമാക്കിയത്.

ആൻഡേഴ്സന്റെ 500-ാം വിക്കറ്റും ക്രെയ്ഗ് ബ്രാത്ത്വെയ്റ്റായിരുന്നു എന്ന കാര്യം യാദൃശ്ചികമാണ്. 500 ടെസ്റ്റ് വിക്കറ്റുകളുടെ നാഴികക്കല്ലിലെത്തിയ നാലാമത്തെ പേസറും ഏഴാമത്തെ ബൗളറുമാണ് ബ്രോഡ്.

തന്റെ 140-ാം ടെസ്റ്റിൽ നിന്നാണ് ബ്രോഡ് 500 വിക്കറ്റുകളെന്ന നേട്ടം സ്വന്തമാക്കിയത്. ടെസ്റ്റിൽ 500 വിക്കറ്റ് വീഴ്ത്തിയവരിൽ ഏറ്റവും പതിയെ ആ നേട്ടം സ്വന്തമാക്കുന്ന താരവും ബ്രോഡ് തന്നെയാണ്.

മുത്തയ്യ മുരളീധരൻ (87 ടെസ്റ്റ്), അനിൽ കുംബ്ലെ (105), ഷെയ്ൻ വോൺ (108), ഗ്ലെൻ മഗ്രാത്ത് (110), കോർട്ട്നി വാൽഷ് എന്നിവരാണ് ഇക്കാര്യത്തിൽ ബ്രോഡിനു മുന്നിലുള്ളത്.

രണ്ടാം ഇന്നിങ്സിൽ ബ്രോഡ് മൂന്നു വിക്കറ്റ് വീഴ്ത്തിയതോടെ 399 റൺസ് വിജയലക്ഷ്യം പിന്തുടരുന്ന വിൻഡീസ് തോൽവിയെ അഭിമുഖീകരിക്കുകയാണ്. ആദ്യ ഇന്നിങ്സിൽ ബ്രോഡ് ആറു വിക്കറ്റ് വീഴ്ത്തിയിരുന്നു.

ബ്രോഡിന്റെ ബൗളിംഗ് സ്ട്രൈക്ക് റേറ്റ് ഇങ്ങനെയാണ്.

ആഷസ് മത്സരത്തിൽ ആൻഡേഴ്സണേക്കാൾ വിജയം നേടിയിട്ടുളളത് ബ്രോഡ് തന്നെയാണ്.