KKR vs RR, IPL 2024: ഈഡനിൽ 'ബട്ട്ലറാട്ടം'; കെകെആറിനെതിരെ രാജസ്ഥാന് അവസാന പന്തിൽ ആവേശ ജയം
- Published by:Rajesh V
- news18-malayalam
Last Updated:
ബട്ട്ലറുടെ ഈ സീസണിലെ രണ്ടാം സെഞ്ചുറിയാണ്. 60 പന്തില്‍ 9 ഫോറും 6 സിക്‌സും പറത്തി 107 റണ്‍സോടെ ബട്ട്ലർ പുറത്താകാതെ നിന്നു. 18 പന്തില്‍ ജയിക്കാന്‍ 3 വിക്കറ്റ് ശേഷിക്കേ 46 റണ്‍സ് വേണമെന്ന ഘട്ടത്തിലായിരുന്നു ഈഡനിൽ 'ബട്ട്ലറാട്ടം'
advertisement
1/10
കൊല്‍ക്കത്ത: അവസാന പന്ത് വരെ നീണ്ട ആവേശകരമായ മത്സരത്തില്‍ കൊൽക്കത്ത നൈറ്റ് റൈഡേഴ്സിനെ 2 വിക്കറ്റിന് തകർത്ത് രാജസ്ഥാൻ റോയൽസ്. ഒരു ഘട്ടത്തില്‍ കൈവിട്ട മത്സരത്തില്‍ തകര്‍പ്പന്‍ സെഞ്ചുറിയോടെ ജോസ് ബട്ട്‌ലര്‍ തിരിച്ചുപിടിക്കുകയായിരുന്നു. കൊല്‍ക്കത്ത ഉയര്‍ത്തിയ 224 റണ്‍സ് വിജയലക്ഷ്യം എട്ടു വിക്കറ്റ് നഷ്ടത്തില്‍ രാജസ്ഥാന് മറികടന്നു.. (Sportzpics)
advertisement
2/10
ബട്ട്ലറുടെ ഈ സീസണിലെ രണ്ടാം സെഞ്ചുറിയാണ്. 60 പന്തില്‍ 9 ഫോറും 6 സിക്‌സും പറത്തി 107 റണ്‍സോടെ ബട്ട്ലർ പുറത്താകാതെ നിന്നു. 18 പന്തില്‍ ജയിക്കാന്‍ 3 വിക്കറ്റ് ശേഷിക്കേ 46 റണ്‍സ് വേണമെന്ന ഘട്ടത്തിലായിരുന്നു ഈഡനിൽ 'ബട്ട്ലറാട്ടം'. (Sportzpics)
advertisement
3/10
മിച്ചല്‍ സ്റ്റാര്‍ക്കിന്റെ 18ാം ഓവറില്‍ 18 റണ്‍സും ഹര്‍ഷിത് റാണയെറിഞ്ഞ 19ാം ഓവറില്‍ 19 റണ്‍സും ബട്ട്ലർ അടിച്ചെടുത്തു. അവസാന ഓവര്‍ എറിയാനെത്തിയ വരുണ്‍ ചക്രവര്‍ത്തിയെ ആദ്യ പന്തില്‍ തന്നെ സിക്‌സറിന് പറത്തി. പിന്നീട് മൂന്ന് പന്തുകളില്‍ റണ്ണില്ല. അഞ്ചാം പന്തില്‍ ഡബിള്‍ നേടിയതോടെ സ്‌കോര്‍ തുല്യം. അവസാന പന്ത് ബൗണ്ടറി കടത്തി അവിശ്വസനീയമായ ജയവും നേടി. (Sportzpics)
advertisement
4/10
വമ്പൻ ലക്ഷ്യവുമായി ഇറങ്ങിയ രാജസ്ഥാന്റെ തുടക്കം മികച്ചതായിരുന്നില്ല. യശസ്വി ജയ്‌സ്വാള്‍ നന്നായി തുടങ്ങിയെങ്കിലും രണ്ടാം ഓവറില്‍ പുറത്തായി. ഒമ്പത് പന്തില്‍ നിന്ന് ഒരു സിക്‌സും മൂന്ന് ഫോറുമടക്കം 19 റണ്‍സെടുത്താണ് ജയ്‌സ്വാള്‍ മടങ്ങിയത്. പിന്നാലെ ക്യാപ്റ്റന്‍ സഞ്ജു സാംസണും (12) കാര്യമായ സംഭാവനയില്ലാതെ മടങ്ങി.. (Sportzpics)
advertisement
5/10
നാലാമനായി എത്തിയ റിയാന്‍ പരാഗ് തന്റെ തകർപ്പൻ ഫോം തുടര്‍ന്നതോടെ രാജസ്ഥാന് ഇന്നിങ്‌സിന് ജീവന്‍വെച്ചു. ബട്ട്‌ലര്‍ക്കൊപ്പം 50 റണ്‍സിന്റെ കൂട്ടുകെട്ടുണ്ടാക്കിയതിനു പിന്നാലെ പരാഗിനെ മടക്കി ഹര്‍ഷിത് റാണ കൊല്‍ക്കത്ത കാത്തിരുന്ന വിക്കറ്റ് സമ്മാനിച്ചു. 14 പന്തില്‍ 2 സിക്‌സും 4 ഫോറുമടക്കം 34 റണ്‍സെടുത്താണ് പരാഗ് മടങ്ങിയത്. (Sportzpics)
advertisement
6/10
തുടര്‍ന്നെത്തിയ ധ്രുവ് ജുറെല്‍ വെറും രണ്ട് റണ്ണിന് മടങ്ങി. ആറാമനായി അശ്വിനെ ഇറക്കിയ തന്ത്രവും ഫലം കണ്ടില്ല. 13ാം ഓവറില്‍ തുടര്‍ച്ചയായ രണ്ടു പന്തുകളില്‍ അശ്വിനെയും (8), ഷിംറോണ്‍ ഹെറ്റ്മയെറെയും (0) മടക്കിയ വരുണ്‍ ചക്രവര്‍ത്തി കളി കെകെആറിന്റെ വരുതിയിലാക്കി. (Sportzpics)
advertisement
7/10
പിന്നീട് ബട്ട്‌ലര്‍ - റോവ്മാന്‍ പവല്‍ കൂട്ടുകെട്ടിന്റെ അവിശ്വസനീയമായ തിരിച്ചുവരവാണ് ഈഡനിൽ കണ്ടത്. അതിവേഗം ഇരുവരും 57 റണ്‍സ് ചേര്‍ത്തതോടെ രാജസ്ഥാന് ക്യാമ്പില്‍ വീണ്ടും പ്രതീക്ഷ. (Sportzpics)
advertisement
8/10
17ാം ഓവറില്‍ തന്നെ തുടര്‍ച്ചയായ പന്തുകളില്‍ ബൗണ്ടറി കടത്തിയ പവലിനെ അഞ്ചാം പന്തില്‍ മടക്കി നരെയ്ന്‍ മത്സരത്തെ വീണ്ടും ആവേശകരമാക്കി. 13 പന്തില്‍ നിന്ന് മൂന്ന് സിക്‌സും ഒരു ഫോറുമടക്കം 26 റണ്‍സെടുത്താണ് പവല്‍ മടങ്ങിയത്. പിന്നീടായിരുന്നു ബട്ട്ലറുടെ വണ്‍മാന്‍ ഷോ. (Sportzpics)
advertisement
9/10
കൊല്‍ക്കത്തയ്ക്കായി റാണ, നരെയ്ന്‍, വരുണ്‍ എന്നിവര്‍ രണ്ടു വിക്കറ്റ് വീതം വീഴ്ത്തി. നേരത്തേ ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ കൊല്‍ക്കത്ത 20 ഓവറില്‍ ആറു വിക്കറ്റ് നഷ്ടത്തില്‍ 223 റണ്‍സെടുത്തിരുന്നു. (Sportzpics)aj
advertisement
10/10
ടി20 കരിയറിലെ ആദ്യ സെഞ്ചുറി കുറിച്ച സുനില്‍ നരെയ്‌ന്റെ ഇന്നിങ്‌സാണ് കൊല്‍ക്കത്തയ്ക്ക് കൂറ്റന്‍ സ്‌കോര്‍ സമ്മാനിച്ചത്. 56 പന്തുകള്‍ നേരിട്ട താരം 109 റണ്‍സെടുത്തു. ആറ് സിക്‌സും 13 ഫോറുമടങ്ങുന്നതായിരുന്നു നരെയ്‌ന്റെ ഇന്നിങ്‌സ്. (Sportzpics)
മലയാളം വാർത്തകൾ/Photogallery/Sports/
KKR vs RR, IPL 2024: ഈഡനിൽ 'ബട്ട്ലറാട്ടം'; കെകെആറിനെതിരെ രാജസ്ഥാന് അവസാന പന്തിൽ ആവേശ ജയം