John Cena marries Shay Shariatzadeh| WWE സൂപ്പർ താരം ജോൺസീന വിവാഹിതനായി; വധു കാമുകി ഷേ ഷെരിയാത്തേദ്

ഡബ്ല്യു ഡബ്ല്യു ഇ സൂപ്പർ താരം ജോൺ സീന വിവാഹിതനായതായി റിപ്പോർട്ടുകൾ. കാമുകി ഷേ ഷെരിയാത്തേദ് ആണ് വധു. ഒരു വർഷം നീണ്ട പ്രണയത്തിനൊടുവിലാണ് ഇരുവരും വിവാഹിതരായത്. (Instagram)

ഫ്ളോറിഡയിലെ താംപയിൽ ഒക്ടോബർ 12ന് നടന്ന സ്വകാര്യ ചടങ്ങിൽ വെച്ചായിരുന്നു വിവാഹം. വളരെ കുറച്ചു പേർക്ക് മാത്രമാണ് വിവാഹത്തിൽ ക്ഷണമുണ്ടായിരുന്നത്. (Instagram)

എൻജിനീയറാണ് ഷേ ഷെരിയാത്തേദ്. ഇറാനിലാണ് ഷേ ഷെരിയാത്തേദ് ജനിച്ചത്. എന്നാൽ കാനേഡിയൻ സിറ്റിസണാണ്.(Instagram)

യൂണിവേഴ്സിറ്റി ഓഫ് ബ്രിട്ടീഷ് കൊളംബിയയിൽ നിന്നാണ് ഇലക്ട്രിക്കൽ എൻജിനീയറിംഗിൽ ബിരുദം നേടിയത്. നിലവിൽ പ്രൊഡക്ട് മാനേജറാണ്. (Instagram)

നടൻ എന്ന നിലയിലും ജോൺസീന ശ്രദ്ധേയനാണ്. റെസിലിംഗിൽ 16 തവണ ജോൺസീന ലോക ചാമ്പ്യനായിരുന്നു. ജോണ്‍സീനയുടെ രണ്ടാം വിവാഹമാണിത്. (Instagram)

എലിസബത്ത് ഹ്യൂബർഡ്യൂ ആണ് അദ്ദേഹത്തിന്റെ ആദ്യ ഭാര്യ. 2009ലായിരുന്നു ഇരുവരും വിവാഹിതരായത്. 2012ൽ വേർപിരിയുകയും ചെയ്തു. (Instagram)

ഇതിനു ശേഷം ആറ് വര്‍ഷത്തോളം നിക്കി ബെല്ലയുമായി പ്രണയത്തിലായിരുന്നു ജോൺസീന. 2018ൽ ഇരുവരും വേർപിരിഞ്ഞു. 2019ലാണ് ജോൺസീനയും ഷേ ഷെരിയാത്തേദും കണ്ടുമുട്ടിയത്. (Instagram)