ഗർഭിണിയായ കാട്ടാനയെ കൊലപ്പെടുത്തിയ സംഭവം: ന്യായീകരിച്ചയാൾക്ക് നീരജ് മാധവിന്‍റെ മറുപടി

പാലക്കാട് മണ്ണാർക്കാട് ഗർഭിണിയായ കാട്ടാനയെ സ്ഫോടകവസ്തുനിറച്ച പൈനാപ്പിൾ നൽകി കൊലപ്പെടുത്തിയ സംഭവത്തിൽ പ്രതിഷേധം ശക്തമാകുന്നു. ഈ സംഭവത്തെ ഫേസ്ബുക്കിൽ ന്യായീകരിക്കാൻ ശ്രമിച്ചയാൾക്ക് നടൻ നീരജ് മാധവന്‍റെ മറുപടി വൈറലാകുന്നു. ന്യൂസ് 18 വാർത്ത ഷെയർചെയ്തുകൊണ്ടാണ് അതിനടിയിൽവന്ന കമന്‍റിന് നടന്‍റെ മറുപടി. കാട്ടിൽകേറി ച്ചെന്ന് മരം വെട്ടി, മണ്ണ് മാന്തി, വിള വെച്ച്, അത് വഴി പോയ ആനയെയും തീയിട്ടോടിച്ചിട്ടാണ് ഈ പറയുന്നതെന്ന് നീരജ് മാധവ് പറഞ്ഞു.. ഇതുപോലെയുള്ള ആളുകൾക്കിടയിൽ awareness ഉണ്ടാക്കേണ്ടത് അത്യാവശ്യമാണ്. Jungle Speaks എന്ന പേരിൽ ഒരു സീരീസ് തുടങ്ങിയത് പോലും ഈ ആശയം ഉൾക്കൊണ്ടിട്ടാണെന്നും അദ്ദേഹം വ്യക്തമാക്കുന്നു.