സെൽഫ് ഡ്രൈവിങ് കാറിന്‍റെ വേഗത 140 കിലോമീറ്ററാക്കിയിട്ട് ഡ്രൈവർ ഉറങ്ങി; അമിതവേഗത്തിന് കനത്ത പിഴ

“സിസിടിവി ദൃശ്യങ്ങൾ പരിശോധിച്ചപ്പോൾ ഡ്രൈവറില്ലാതെ കാർ ഓടുന്നതായാണ് കണ്ടത്. മണിക്കൂറിൽ 140 കിലോമീറ്ററിൽ കൂടുതൽ വേഗതിയിൽ പാഞ്ഞ കാറിന്‍റെ മുൻ സീറ്റുകൾ പൂർണ്ണമായും ഒഴിഞ്ഞ നിലയിലായിരുന്നു. വിശദമായി പരിശോധിച്ചപ്പോൾ കാറിലുണ്ടായിരുന്ന ഡ്രൈവറും മറ്റൊരു യാത്രക്കാരനും സീറ്റിൽ ചാരിക്കിടന്ന് ഉറങ്ങുകയാണെന്ന് വ്യക്തമായി.

സെൽഫ് ഡ്രൈവിങ് മോഡ് ഉപയോഗിക്കാവുന്ന ടെസ്‌ല ഇലക്ട്രിക് മോഡൽ കാറാണിതെന്ന് പൊലീസ് പറയുന്നു. കാറിലുണ്ടായിരുന്നയാൾക്ക് 20 വയസായിരുന്നു പ്രായം. ഇയാൾക്കെതിരെയാണ് കനത്ത പിഴ ചുമത്തിയത്. കൂടാതെ വിവിധ വകുപ്പുകൾ ചേർത്ത് കേസെടുക്കുകയും ചെയ്തു. ദേശീയപാതയുടെ ആ ഭാഗത്തെ വേഗത പരിധി മണിക്കൂറിൽ 110 കിലോമീറ്ററാണ് (68 മൈൽ). എന്നാൽ ഈ കാർ കടന്നുപോയത് 140 കിലോമീറ്ററിലധികം വേഗതയിലായിരുന്നു.