ആസ്വദിച്ച് വെള്ളം കുടിച്ച് ഒരു 'കടുവ കുടുംബം': വീഡിയോ വൈറൽ

ജനശ്രദ്ധ നേടിയ ആ വീഡിയോകളുടെ കൂട്ടത്തിലേക്ക് ഇപ്പോൾ എത്തിയിരിക്കുന്നത് ഒരു കടുവാ കുടുംബമാണ്.

News18 Malayalam | news18
Updated: November 11, 2019, 12:27 PM IST
ആസ്വദിച്ച് വെള്ളം കുടിച്ച് ഒരു 'കടുവ കുടുംബം': വീഡിയോ വൈറൽ
tiger
  • News18
  • Last Updated: November 11, 2019, 12:27 PM IST
  • Share this:
മൃഗങ്ങളുടെ കുസൃതികളും പെരുമാറ്റങ്ങളും ഒക്കെ ഉൾപ്പെടുന്ന ദൃശ്യങ്ങൾ എല്ലാവരുടെയും മനം കവരുന്നവയാണ്. പാണ്ഡകളുടെ കുസൃതിയും പട്ടിയും പൂച്ചയും തമ്മിലുള്ള മത്സരങ്ങളും ഒക്കെ എപ്പോഴും ആസ്വാദക ശ്രദ്ധ നേടിയിട്ടുണ്ട്. ജനശ്രദ്ധ നേടിയ ആ വീഡിയോകളുടെ കൂട്ടത്തിലേക്ക് ഇപ്പോൾ എത്തിയിരിക്കുന്നത് ഒരു കടുവാ കുടുംബമാണ്.

മഹാരാഷ്ട്രയിലെ തഡോബാ അന്ധരി ടൈഗർ റിസര്‍വിൽ നിന്ന് അജിത് കുൽക്കര്‍ണി എന്നയാൾ കഴിഞ്ഞ വർഷം പകർത്തിയ ദൃശ്യങ്ങളാണിതെന്നാണ് സൂചന. എന്നാൽ ഫോറസ്റ്റ് ഉദ്യോഗസ്ഥനായ സുഷാന്ത് നന്ദ ഈ വീഡിയോ വീണ്ടും ഷെയർ ചെയ്തതോടെയാണ് സംഭവം വൈറലായത്. മഹാരാഷ്ട്രയിലെ ഏറ്റവും വലുതും പഴക്കം ചെന്നതുമായ നാഷണൽ പാർക്കാണ് തഡോബാ.

Also Read-കരുതലോടെ ഒരു തുമ്പിക്കൈ:നടുറോഡിൽ കിടന്ന ആമയെ വഴിയരികിലേക്ക് തള്ളിവിട്ട് കുട്ടിയാന: വീഡിയോ വൈറൽ

അമ്മക്കടുവയും മൂന്ന് കുഞ്ഞുങ്ങളും തടാകത്തിൽ നിന്ന് വെള്ളം കുടിക്കുന്ന ദൃശ്യങ്ങളാണ് പതിനൊന്ന് സെക്കൻഡ് ദൈർഘ്യമുള്ള വീഡിയോയിലുള്ളത്. 'ആഹാരമില്ലാതെ കടുവകൾക്ക് രണ്ടാഴ്ച വരെ കഴിയാനാകും എന്നാൽ വെള്ളമില്ലാതെ പരമാവധി നാല് ദിവസം വരെ മാത്രമെ കഴിയാനാകു' ഈ കുടുംബം വെള്ളം കുടിക്കുന്നത് ആസ്വദിക്കു എന്നാണ് സുഷാന്ത് വീഡിയോയ്ക്കൊപ്പം കുറിച്ചത്. നിമിഷങ്ങൾക്കുള്ളിൽ തന്നെ ആയിരക്കണക്കിന് ലൈക്കും ഷെയറുമായി വീഡിയോ വൈറലാവുകയായിരുന്നു.

വീഡിയോ ചുവടെ: 

First published: November 11, 2019, 12:26 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading