ബിരുദ വിദ്യാർത്ഥിയാണോ? പ്രതിവർഷം 10,000 രൂപ വീതം അഞ്ചുവർഷത്തേക്ക് സ്കോളര്‍ഷിപ്പിന് അപേക്ഷിക്കാം 

സംസ്ഥാനമൊട്ടാകെ 3000 വിദ്യാർത്ഥികൾക്ക്  സ്കോളർഷിപ്പ് ആനുകൂല്യം ലഭിക്കും. പുതുതായി ഏർപ്പടുത്തിയ സ്റ്റേറ്റ് മെറിറ്റ് സ്കോളർഷിപ്പിന് ഇപ്പോൾ രണ്ടാം വർഷത്തിൽ പഠിക്കുന്നവർക്കാണ് അവസരമുള്ളത്. ഇപ്പോൾ ഒന്നാം വർഷത്തിൽ ബിരുദത്തിനു പഠിക്കുന്നവർക്കു അധികം വൈകാതെ അപേക്ഷിക്കാനവസരം നൽകും.

കോളജ് വിദ്യാഭ്യാസ വകുപ്പിന്റെ സ്കോളർഷിപ്പ് വെബ്സൈറ്റിൽ state merit scholarship (SMS) എന്ന ലിങ്കിൽ ക്ലിക്ക് ചെയ്ത് ഓൺലൈൻ ആയിട്ടാണ്, അപേക്ഷ സമർപ്പിക്കേണ്ടത്. ഡിസംബർ 2 നുള്ളിൽ വിദ്യാർത്ഥി പഠിക്കുന്ന കോളേജിൽ നിന്നും വെരിഫിക്കേഷൻ പൂർത്തീകരിച്ചു നൽകേണ്ടതുണ്ട്.

2022 – 2023 അധ്യയന വർഷത്തിൽ ബിരുദ പ്രവേശനം ലഭിച്ച്, ഇപ്പോൾ രണ്ടാം വർഷക്ലാസ്സുകളിൽ പഠിക്കുന്ന വിദ്യാർത്ഥികൾക്കാണ് അപക്ഷ സമർപ്പിക്കാനവസരം . എല്ലാ വിദ്യാർത്ഥികൾക്കും അപേക്ഷിക്കാം. ബി.പി.എൽ.വിഭാഗങ്ങളിൽ നിന്നുള്ള വിദ്യാർത്ഥികൾക്കും പ്രതിവർഷ വരുമാനം രണ്ടര ലക്ഷം രൂപയിൽ താഴെയുള്ളവർക്കും പരിഗണനയുണ്ട്.

തയാറാക്കിയത് : ഡോ ഡെയ്സൻ പാണേങ്ങാടൻ