Oxford Vaccine| കുത്തിവെച്ച ഒരാൾക്ക് അജ്ഞാത രോഗം; ഓക്സ്ഫഡ് കോവിഡ് വാക്സിന് പരീക്ഷണം നിര്ത്തിവെച്ചു
- Published by:Rajesh V
- news18-malayalam
Last Updated:
ജൂലായ് 20നാണ് ഓക്സ്ഫഡ് സര്വകലാശാല കോവിഡ് 19 വാക്സിന് വികസിപ്പിച്ചെടുത്തത്.
ന്യൂഡല്ഹി: ഓക്സ്ഫഡും അസ്ട്രാസെനെകയും സംയുക്തമായി വികസിപ്പിച്ചെടുത്ത കോവിഡ് പ്രതിരോധ വാക്സിന്റെ പരീക്ഷണം നിര്ത്തിവെച്ചു. വാക്സിൻ കുത്തിവെച്ച വോളന്റിയർമാരിൽ ഒരാള്ക്ക് അജ്ഞാത രോഗം കണ്ടെത്തിയ സാഹചര്യത്തിലാണ് വാക്സിന്റെ അവസാനഘട്ട പരീക്ഷണം നിര്ത്തിവെച്ചത്. പരീക്ഷണം നിര്ത്തിവെക്കുന്നതായി അസ്ട്രസെനെക വക്താവ് പ്രസ്താവനയില് അറിയിച്ചു.
മരുന്നിന്റെ പാര്ശ്വഫലമാണിതെന്ന സംശയമാണുള്ളത്. ഇന്ത്യയിലെ പുനെ സിറം ഇൻസ്റ്റിറ്റിയൂട്ട് അടക്കം വിവിധ രാജ്യങ്ങളിലെ സ്ഥാപനങ്ങൾ പരീക്ഷണത്തോട് സഹകരിച്ചിരുന്നു. വാക്സിൻ വിജയമായാൽ വാങ്ങാൻ ഇന്ത്യയും കരാർ ഉണ്ടാക്കിയിരുന്നു. പരീക്ഷണം നിലച്ചതിൽ ആശങ്കപ്പെടേണ്ടെന്നും സാധാരണ നടപടിക്രമം മാത്രമെന്നും അസ്ട്രസെനേക അറിയിച്ചു. പാർശ്വഫലമെന്ന് സംശയിക്കുന്ന രോഗം പഠിച്ചശേഷം പരീക്ഷണം തുടരും.
advertisement
ഇത് രണ്ടാം തവണയാണ് വാക്സിന് പരീക്ഷണം നിര്ത്തിവെയ്ക്കുന്നത്. ജൂലായ് 20നാണ് ഓക്സ്ഫഡ് സര്വകലാശാല കോവിഡ് 19 വാക്സിന് വികസിപ്പിച്ചെടുത്തത്. വാക്സിന് തയ്യാറായാല് അതിന്റെ ഉല്പാദനത്തിനായി ലോകത്തിലെ ഏറ്റവും വലിയ വാക്സിന് നിര്മാതാക്കളായ സെറം ഇന്സ്റ്റിറ്റ്യൂട്ട് ഓഫ് ഇന്ത്യയെ ഓക്സ്ഫഡും അതിന്റെ പങ്കാളിയായ അസ്ട്രസെനെകയും തിരഞ്ഞെടുത്തിട്ടുണ്ട്. അടുത്ത ജനുവരിയോടെ വാക്സിന് വിപണിയില് എത്തുമെന്നായിരുന്നു പ്രതീക്ഷിക്കപ്പെട്ടത്.
Location :
First Published :
Sep 09, 2020 7:36 AM IST
മലയാളം വാർത്തകൾ/ വാർത്ത/Corona/
Oxford Vaccine| കുത്തിവെച്ച ഒരാൾക്ക് അജ്ഞാത രോഗം; ഓക്സ്ഫഡ് കോവിഡ് വാക്സിന് പരീക്ഷണം നിര്ത്തിവെച്ചു
