മതം മാറാൻ പങ്കാളിയില്‍ നിന്ന് സമ്മര്‍ദ്ദം; ഗര്‍ഭിണിയായ 24കാരി വിഷം ഉള്ളില്‍ ചെന്ന് മരിച്ച നിലയിൽ

ലഖ്‌നൗ: യുപിയിലെ ലഖീംപൂര്‍ ഖേരിയില്‍ ഗര്‍ഭിണിയായ 24കാരി വിഷം ഉള്ളിൽ ചെന്ന് മരിച്ച നിലയില്‍. ഇസ്ലാം മതം സ്വീകരിക്കാന്‍ ഇവരുടെ പങ്കാളിയില്‍ നിന്ന് നിരന്തര സമ്മര്‍ദമുണ്ടായിരുന്നതായി യുവതിയുടെ കുടുംബം ആരോപിച്ചു. യുവതിയുടെ മരണത്തിന് പിന്നാലെയാണ് ഇക്കാര്യങ്ങള്‍ പുറത്തു വന്നത്. യുവതിയുടെ മരണത്തിന് പിന്നാലെ പങ്കാളിയും സുഹൃത്തും ആശുപത്രിയില്‍ നിന്ന് കടന്നുകളഞ്ഞുവെന്നും കുടുംബം പറഞ്ഞു. സീമ ഗൗതം എന്ന 24കാരിയാണ് മരിച്ചത്. ഇവരുടെ പങ്കാളിയായ നവേദാണ് സീമയെ ലഖീംപൂര്‍ ഖേരിയിലുള്ള ആശുപത്രിയില്‍ എത്തിച്ചത്. നവേദിന്റെ സുഹൃത്തായ ഫര്‍ഹാനും ആശുപത്രിയിലുണ്ടായിരുന്നു. എന്നാല്‍ സീമ മരിച്ചുവെന്ന് അറിഞ്ഞതോടെ നവേദും ഫര്‍ഹാനും ആശുപത്രിയില്‍ നിന്ന് രക്ഷപ്പെടുകയായിരുന്നു.