കഞ്ചാവ് മാഫിയയുടെ ആക്രമണം; വീട് അടിച്ചു തകർത്തു; കാറും ബൈക്കും നശിപ്പിച്ചു

തിരുവനന്തപുരം: കരിയ്ക്കകത്ത് കഞ്ചാവ് മാഫിയ വീട് അടിച്ചു തകർത്തു. കരിയ്ക്കകം സ്വദേശി രാജേഷിനും കുടുംബത്തിനും നേരെയാണ് ആക്രമണമുണ്ടായത്. കരിയ്ക്കകം - ആനയറ പ്രദേശങ്ങൾ കേന്ദ്രീകരിച്ച് കഞ്ചാവ് വിൽപ്പന നടത്തിയിരുന്ന സംഘത്തെ മൂന്ന് വർഷം മുൻപ് രാജേഷിൻ്റെ നേതൃത്വത്തിലുള്ള നാട്ടുകാർ  പിടികൂടി  പോലീസിൽ ഏൽപ്പിച്ചിരുന്നു. ഇതേ തുടർന്നുണ്ടായ വൈരാഗ്യമാണ് അക്രക്രമത്തിന് കാരണം. ഇന്നലെ രാത്രി ഏഴരയോടെ വെൺപാലവട്ടത്ത് വച്ച് രാജേഷിന് നേരെ വധശ്രമമുണ്ടായി. ഓടി രക്ഷപ്പെട്ട രാജേഷിനെ പിന്തുടർന്നെത്തിയ സംഘം രാത്രി 11 മണിയോടെ  വീട് ആക്രമിക്കുകയായിരുന്നു.