കിണർ കുഴിച്ചപ്പോൾ കിട്ടിയത് 'സ്വർണത്തോണി'; മലപ്പുറത്തെ യുവാവിന് നഷ്ടമായത് 3 ലക്ഷം രൂപ

മലപ്പുറം:  സ്വർണത്തോണിയെന്നു പറഞ്ഞ് വ്യാജസ്വർണം നൽകി കബളിപ്പിച്ചെന്നു പരാതി. മലപ്പുറം കോഡൂർ സ്വദേശിയും    മക്കരപ്പറമ്പിലെ മൊബൈൽ ഷോപ്പ് ജീവനക്കാരനുമായ യുവാവിൽ നിന്നും ഇതര സംസ്ഥാന തൊഴിലാളിയാണ് 3 ലക്ഷം രൂപ തട്ടിയെടുത്തത്.

അസം സ്വദേശി തന്റെ സഹോദരന് തൃശൂരിലെ ഒരു വീട്ടിൽ കിണർ കുഴിക്കുന്നതിനിടെ സ്വർണത്തോണി ലഭിച്ചെന്നും ചെറിയ തുകയ്ക്ക് അതു നൽകാമെന്നും പറഞ്ഞു. തൃശൂരിലെത്തി തോണി നേരിൽക്കണ്ട് കണ്ട് അത് സ്വർണമാണെന്ന് ഉറപ്പുവരുത്താനും നിർദ്ദേശിച്ചു.

പരിശോധനയ്ക്കു നൽകിയ സ്വർണം യഥാർഥമാണെന്ന് ബോധ്യപ്പെട്ട യുവാവ് പിറ്റേ ദിവസം പണം നൽകി 'സ്വർണത്തോണി' സ്വന്തമാക്കി. കഴിഞ്ഞ ദിവസം ഇൽ നിന്നും ഒരു കഷ്ണം മുറിച്ചെടുത്ത് മലപ്പുറത്ത് പരിശോധന നടത്തിയപ്പോഴാണ് കബളിപ്പിക്കപ്പെട്ടെന്ന് മനസിലായത്. ഇതോത്തുടർന്ന് മങ്കട പൊലീസിൽ പരാതി നൽകുകയായിരുന്നു.  പൊലീസ് അന്വേഷണമാരംഭിച്ചു.

Also Read ലഹരിയുടെ ആലസ്യത്തിൽ രണ്ട് വയസുള്ള മകളെ കഴുത്തറ്റം മണലിൽ കുഴിച്ചിട്ടു; കടലിലുല്ലസിച്ച ദമ്പതികൾ കസ്റ്റഡിയിൽ