മട്ടൻ കറി വയ്ക്കാൻ വിസമ്മതിച്ച ഭാര്യയെ ഭർത്താവ് തല്ലിക്കൊന്നു

മട്ടൻ കറി വയ്ക്കാൻ വിസമ്മതിച്ച ഭാര്യയെ ഭർത്താവ് അതിക്രൂരമായി മർദിച്ച് കൊലപ്പെടുത്തി. തെലങ്കാനയിലെ മഹ്ബൂബാബാദിൽ ബുധനാഴ്ചയാണ് സംഭവം. 35കാരിയായ മാലോത് കലാവതിയാണ് കൊല്ലപ്പെട്ടത്. അർധരാത്രിയോടെ വാക്കുതർക്കത്തിനിടയില്‍ തന്റെ മകളെ അവളുടെ ഭർത്താവ് ബാലു ക്രൂരമായി മർദിച്ച് കൊലപ്പെടുത്തുകയായിരുന്നുവെന്ന് കലാവതിയുടെ അമ്മ പൊലീസിനോട് പറഞ്ഞു.