അസ്മ വീട്ടിലെത്തുന്നവരോട് സംസാരിച്ചിരുന്നത് ജനൽപാളിയിലൂടെ; സിറാജുദ്ദീന്റെ വീഡിയോകൾക്ക് വൻ സ്വീകാര്യത

മലപ്പുറത്ത് വീട്ടിലെ പ്രസവത്തിനിടെ യുവതി മരിച്ച സംഭവത്തിൽ ഭർത്താവ് സിറാജുദ്ദീനെതിരെ നരഹത്യക്കുറ്റം ചുമത്തി. പെരുമ്പാവൂർ സ്വദേശിനിയായ അസ്മയാണ് വീട്ടിൽ പ്രസവിച്ചതിനു പിന്നാലെ അമിതരക്തസ്രാവത്തെത്തുടർന്ന് മരിച്ചത്. ഇപ്പോൾ ഇരുവരേയും കുറിച്ച് കൂടുതൽ വിവരങ്ങളാണ് പുറത്തെത്തുന്നത്. . സിറാജുദ്ദീൻ താമസിക്കുന്ന സ്ഥലത്ത് സമീപത്തുള്ളവരായൊന്നും അത്ര അടുത്ത് ഇടപെഴകുന്ന സ്വഭാവക്കാരനല്ലായിരുന്നു. വീട്ടിൽ ഭാര്യ അസ്മ 14, 9, 5, ഒന്നര വയസുള്ള നാലു മക്കളും ഒന്നിച്ചായിരുന്നു താമസിച്ചത്. താമസിച്ചിരുന്ന നാട്ടിലെ ആളുകളുമായി ഇയാൾ അകലം പാലിച്ചിരുന്നു. സിറാജുദ്ദീന് ഏഴാം ക്ലാസ്സ് വരെ സ്കൂൾ വിദ്യാഭ്യാസവും മദ്രസ വിദ്യാഭ്യാസവും മാത്രമാണ് ഉള്ളത്.