എറണാകുളം ജില്ലയിലെ മയക്കുമരുന്ന് സംഘത്തിലെ പ്രധാന കണ്ണി പിടിയിൽ
- Published by:Sarika KP
- news18-malayalam
Last Updated:
ആവശ്യനുസരണം MDMA, LSD എന്നീ സിന്തറ്റിക് ഡ്രഗുകളും ഇയാൾ വില്പന നടത്തിയിരുന്നു. ഇയാളുടെ ഉപഭോക്താക്കളിൽ കൂടുതലും പെൺകുട്ടികളാണ്.
എറണാകുളം: ജില്ലയില്‍ സ്ഥിരമായി കഞ്ചാവും മറ്റ് മാരക മയക്കുമരുന്നും വിൽക്കുന്ന സംഘത്തിലെ പ്രധാന കണ്ണി പിടിയിൽ. കോതമംഗലം ഓടക്കാലി സ്വദേശിയാണ് പൊലീസ് പിടിയിലായത്. കാറിൽ വിൽക്കുന്നതിന് കൊണ്ടുവന്ന ഒരു കിലോയോളം വരുന്ന കഞ്ചാവുമായാണ് ഈയാളെ പിടികൂടിയത്. എറണാകുളം ജില്ലയിൽ പെരുമ്പാവൂരിലും അത്താണിയും മറ്റ് സമീപ പ്രദേശങ്ങളിലും സ്ഥിരമായി കഞ്ചാവും മറ്റ് മാരക മയക്കുമരുന്നും വിൽക്കുന്നയാളാണ് പിടിയിലായത്.
ഇയാളുടെ പക്കൽ നിന്നും മയക്കുമരുന്നും ലഹരി വില്പന നടത്തി കിട്ടിയ 30000 രൂപയും കണ്ടീടുത്തിട്ടുണ്ട്. കച്ചവടം നടത്തുന്നതിന് വേണ്ടി സ്ഥിരമായി ഉപയോഗിക്കുന്ന കാറും പൊലീസ് കണ്ടുകെട്ടി. ആവശ്യനുസരണം MDMA,LSD എന്നീ സിന്തറ്റിക് ഡ്രഗുകളും ഇയാൾ വില്പന നടത്തിയിരുന്നു. പെൺകുട്ടികളെ ലക്ഷ്യമിട്ടാണ് ഈയാൾ വില്പന നടത്തുന്നത്.
Location :
Ernakulam,Kerala
First Published :
February 10, 2023 7:50 PM IST
