വിവാഹത്തിന് രണ്ട് ദിവസം മുമ്പ് വധുവിന്റെ സഹോദരനെ മോഷ്ടാക്കൾ കൊന്നു; കല്യാണം നടത്തി പോലീസ്

ഉത്തർപ്രദേശ്: നിർധന കുടുംബത്തിന് താങ്ങായി ഒരുകൂട്ടം പോലീസ് ഉദ്യോഗസ്ഥർ. ഉത്തർപ്രദേശിലെ ഗോണ്ട ജില്ലയിലാണ് സംഭവം. കഴിഞ്ഞ ഏപ്രിൽ 24 നാണു യുവതിയുടെ വീട്ടിൽ മോഷ്ടാക്കൾ അതിക്രമിച്ച് കയറി പണം കവരുന്നതും ഇത് തടയാൻ ചെന്ന സഹോദരനെ കൊല്ലപ്പെടുത്തുന്നതും. ഈ അപ്രതീക്ഷിത സംഭവത്തെത്തുടർന്ന് ഏപ്രില്‍ 26 ന് നടക്കേണ്ടിയിരുന്ന യുവതിയുടെ വിവാഹം മുടങ്ങി. എന്നാല്‍ ഈ ദുരന്തത്തില്‍ കുടുംബത്തിന് താങ്ങും തണലുമായി പോലീസ് എത്തി. ഒടുവില്‍ അവരുടെ നേതൃത്വത്തില്‍ വിവാഹം നടന്നു.