അഞ്ച് വയസ്സുകാരിയെ ബലാത്സംഗം ചെയ്ത് കൊന്നു; ബന്ധുവായ പ്രതിക്ക് വധശിക്ഷ വിധിച്ച് അസം കോടതി

പെൺകുട്ടിയുടെ ബന്ധുവായിരുന്ന മങ്കൽ പായിക് കുട്ടിയുടെ വീട്ടിൽ നിത്യ സന്ദർശകനായിരുന്നു. സംഭവ ദിവസം കുട്ടിക്ക് ചോക്ലേറ്റ് നൽകാമെന്ന് വാഗ്ദാനം ചെയ്ത് അടുത്തുള്ള കാട്ടിലേക്ക് കൂട്ടിക്കൊണ്ടുപോയി. ഇവിടെ വെച്ച് പീഡനം നടത്തിയ പ്രതി പെൺകുട്ടിയെ ക്രൂരമായി കൊന്ന് മൃതദേഹം ഒളിപ്പിക്കുകയും ചെയ്തു.

കുട്ടിയെ കാണാനില്ലെന്ന് ബന്ധുക്കൾ കാട്ടി ബന്ധുക്കൾ പൊലീസിന് പരാതി നൽകിയിരുന്നു. തുടർന്ന് നടത്തിയ അന്വേഷണത്തിലാണ് സമീപത്തെ കാട്ടിൽ നിന്ന് കുഞ്ഞിന്റെ മൃതേദഹം ലഭിക്കുന്നത്. പരിശോധനയിൽ കുഞ്ഞ് പീഡനത്തിനിരയായതായും വ്യക്തമായി.