ഹോട്ടലിൽ മോഷണത്തിനെത്തി ഓംലറ്റ് അടിച്ചു, ബീഫ് ചൂടാക്കി കഴിച്ചു; പിന്നെ 25,000 രൂപ മോഷ്ടിച്ചു; റപ്പായി അനീഷ് പിടിയിൽ

മോഷണത്തിനെത്തിയ അനീഷ് ഹോട്ടലിലുണ്ടായിരുന്ന കോഴിമുട്ടയെടുത്ത് ഓംലറ്റ് ഉണ്ടാക്കി കഴിക്കുകയായിരുന്നു. ഇതിനിടെ ഫ്രിഡ്ജ് തുറന്നുനോക്കിയപ്പോള്‍ അതില്‍ ബീഫ് ഫ്രൈ ഇരിക്കുന്നത് കണ്ടു. ഇത് ചൂടാക്കാന്‍ തുടങ്ങുന്ന സമയത്താണ് ഹോട്ടലില്‍ സ്ഥാപിച്ച സിസിടിവി ക്യാമറ ശ്രദ്ധയില്‍പെട്ടത്. ഇതോടെ അവിടെ നിന്ന് ഓടി രക്ഷപ്പെടുകയായിരുന്നു.

ഹോട്ടലിൽ ഉണ്ടായിരുന്ന മൊബൈല്‍ ഫോണും ചാര്‍ജറും 25,000 രൂപയും അനീഷ് മോഷ്ടിച്ചിരുന്നു. അന്നേ ദിവസം ഹോട്ടലിനു സമീപത്തെ ക്ഷേത്രത്തിലും മോഷണം നടന്നിരുന്നു.