കടമായി ചോദിച്ച 200 രൂപ കൊടുക്കാത്ത 30കാരനെ പരിചയക്കാരൻ നടുറോഡിൽ വെടിവെച്ച് കൊന്നു

കൊലപാതകം ചെയ്ത ആസിഫ് എന്ന പ്രതിയെ പൊലീസ് പിടികൂടി. ഇയാൾ മയക്കുമരുന്നിന് അടിമയാണെന്നും കുറ്റകൃത്യം നടത്തിയ ശേഷം ഓടി രക്ഷപ്പെടാൻ ശ്രമിച്ച ഇയാളെ പിടികൂടുകയായിരുന്നുവെന്ന് പോലീസ് സൂപ്രണ്ട് അഭിഷേക് കുമാർ പറഞ്ഞു.

Also Read ലോകത്ത് ആദ്യം; കോവിഡ് ബാധിച്ച യുവതി പ്രസവിച്ച കുഞ്ഞിന്‍റെ ശരീരത്തില്‍ ആന്‍റിബോഡി കണ്ടെത്തി

മോട്ടോർ സൈക്കിൾ കടമായി നൽകണമെന്ന് ആവശ്യപ്പെട്ട് ആസിഫ് ശനിയാഴ്ച ദിവസം അൻസാർ അഹ്മദിന്റെ അടുത്ത് എത്തിയിരുന്നു. എന്നാൽ അൻസാർ ബൈക്ക് നൽകിയില്ല. പിന്നീട്‌ കുറച്ച് കഴിഞ്ഞ് പ്രതി വീണ്ടും അൻസാർ അഹ്മദിന്റെ കടയിൽ വന്നു. 200 രൂപ കടമായി ആവശ്യപ്പെട്ടു. ഇതും നൽകില്ലെന്ന് പറഞ്ഞതോടെ ആസിഫ് പോക്കറ്റിൽ നിന്ന് ഒരു തോക്ക് പുറത്തെടുത്തു.

സമീപത്ത് ഉണ്ടായിരുന്നവർ പിടിച്ച് മാറ്റുന്നതിന് മുമ്പ് തന്നെ ആസിഫിന്റെ കൈയ്യിൽ നിന്നും വെടിയുതിർന്നു. അൻസാർ അഹ്മദിന്റെ തലയ്ക്ക് വെടിയേറ്റതോടെ മരിച്ചു.