മദ്യപിക്കാന്‍ പണം നൽകാത്തതിന് യുവാവിനെ മർദിച്ച് വിരലൊടിച്ച മൂന്നുപേര്‍ പാലക്കാട് അറസ്റ്റിൽ
- Published by:Jayesh Krishnan
- news18-malayalam
Last Updated:
പ്രതിയായ ബൈജുവിന്റെ പേരിൽ കഞ്ചാവ്, പിടിച്ചുപറി തുടങ്ങി 12 ഓളം കേസുകൾ നിലവിലുണ്ടെന്ന് പൊലീസ് പറഞ്ഞു.
പാലക്കാട്: മദ്യപിക്കാന്‍ പണം നല്‍കാത്തതിന് യുവാവിനെ മർദിച്ച് വിരലൊടിച്ച മൂന്നു പേർ അറസ്റ്റിൽ. ചിറക്കാട് സ്വദേശികളായ ബൈജു തങ്കരാജ് (35), ഷെറിൻ (31), കുന്നത്തൂർമേട് സ്വദേശി അരുൺ (21) എന്നിവരാണ് അറസ്റ്റിലായത്. കഴിഞ്ഞമാസം 31ന് രാത്രിയായിരുന്നു സംഭവം. കുന്നത്തൂർമേട് സ്വദേശി അനൂപിനാണ് മർദിച്ചത്.
മദ്യപിക്കാൻ പണം നൽകാൻ ആവശ്യപ്പെട്ടപ്പോൾ നൽകാതെ പോയ അനൂപിനെ വീട്ടിലെ കത്തിയും ഇരുമ്പു പൈപ്പുമായി ആക്രമിക്കുകയായിരുന്നു. ഇരുമ്പുപൈപ്പ് ഉപയോഗിച്ചുള്ള മർദനത്തിലാണ് വിരൽ ഒടിഞ്ഞത്. സംഭവത്തിൽ അനൂപിന്‍റെ സഹോദരനും പരിക്കേറ്റിട്ടുണ്ട്.
കേസിലെ പ്രതിയായ ബൈജുവിന്റെ പേരിൽ കഞ്ചാവ്, പിടിച്ചുപറി തുടങ്ങി 12 ഓളം കേസുകൾ നിലവിലുണ്ടെന്ന് പൊലീസ് പറഞ്ഞു. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
Location :
Palakkad,Kerala
First Published :
February 03, 2023 9:46 AM IST
മലയാളം വാർത്തകൾ/ വാർത്ത/Crime/
മദ്യപിക്കാന്‍ പണം നൽകാത്തതിന് യുവാവിനെ മർദിച്ച് വിരലൊടിച്ച മൂന്നുപേര്‍ പാലക്കാട് അറസ്റ്റിൽ
