ഇംഗ്ലണ്ടിലേക്ക് വിസ നല്‍കാമെന്ന് വാഗ്‌ദാനം നൽകി കട്ടപ്പന സ്വദേശിയിൽ നിന്ന് 10 ലക്ഷം തട്ടിയെടുത്ത 25-കാരി അറസ്റ്റിൽ
- Published by:Sarika N
- news18-malayalam
Last Updated:
തിരുവനന്തപുരത്ത് താമസമാക്കിയ പ്രതിയെ കട്ടപ്പന പോലീസ് സ്ഥലത്തെത്തിയാണ് അറസ്റ്റ് ചെയ്തത്
ഇടുക്കി: ഇംഗ്ലണ്ടിലേക്ക് വിസ നല്‍കാമെന്ന് വാഗ്‌ദാനം നൽകി 10 ലക്ഷം രൂപ തട്ടിയെടുത്ത കേസിൽ യുവതി അറസ്റ്റിൽ. കോട്ടയം പാമ്പാടി കട്ടപ്പുറത്ത് വീട്ടില്‍ ഐറിന്‍ എല്‍സ കുര്യൻ (25) ആണ് പിടിയിലായത്. കട്ടപ്പന പോലീസാണ് പ്രതിയെ അറസ്റ്റ് ചെയ്തത്. കട്ടപ്പന സ്വദേശിയിൽ നിന്നാണ് വിസ നല്‍കാമെന്ന് പറഞ്ഞ് യുവതി പണം വാങ്ങിയത്. ഒരു വര്‍ഷം പിന്നിട്ടിട്ടും വിസ ലഭിക്കാതെ വന്നതോടെ ഇയാള്‍ പോലീസില്‍ പരാതി നൽകുകയായിരുന്നു.
തിരുവനന്തപുരത്ത് താമസമാക്കിയ യുവതിയെ കട്ടപ്പന പോലീസ് സ്ഥലത്തെത്തി അറസ്റ്റ് ചെയ്യുകയായിരുന്നു. വിസ തട്ടിപ്പില്‍ യുവതിക്ക് പിന്നിൽ വൻ സംഘമുണ്ടെന്ന് പോലീസ് അറിയിച്ചു. കേസിൽ വിശദമായ അന്വേഷണം നടത്തി വരികയാണെന്ന് പോലീസ് പറയുന്നു. കട്ടപ്പന എസ്ഐ എബി ജോര്‍ജ്, എസ്ഐ സുബിന്‍, എഎസ്‌ഐ ടെസിമോള്‍, സിപിഒ ബിബിന, രാഹുല്‍ എന്നിവര്‍ ചേര്‍ന്നാണ് പ്രതിയെ അറസ്റ്റ് ചെയ്തത്.
Location :
Idukki,Kerala
First Published :
June 06, 2025 9:29 AM IST
മലയാളം വാർത്തകൾ/ വാർത്ത/Crime/
ഇംഗ്ലണ്ടിലേക്ക് വിസ നല്‍കാമെന്ന് വാഗ്‌ദാനം നൽകി കട്ടപ്പന സ്വദേശിയിൽ നിന്ന് 10 ലക്ഷം തട്ടിയെടുത്ത 25-കാരി അറസ്റ്റിൽ
