ആം ആദ്മി ഇനി ദേശീയപാർട്ടി; എങ്ങനെയാണ് പാർട്ടികളുടെ പദവി നിശ്ചയിക്കുന്നത്?

1. സംസ്ഥാന നിയമസഭാ തിരഞ്ഞെടുപ്പിൽ രണ്ട് സീറ്റുകളോ പോൾ ചെയ്ത സാധുവായ വോട്ടുകളിലെ 6 ശതമാനമോ നേടുക.

1. ഒരു പാർട്ടി ദേശീയ പാർട്ടിയാകാൻ നാല് സംസ്ഥാനങ്ങളിൽ നിന്നോ അതിൽ കൂടുതൽ സംസ്ഥാനങ്ങളിൽ നിന്നോ ആറ് ശതമാനം വോട്ട് നേടണം. കൂടാതെ, ഒരു സംസ്ഥാനത്തു നിന്നോ ഒന്നിലധികം സംസ്ഥാനങ്ങളെിൽ നിന്നോ ലോക്‌സഭയിൽ നാല് സീറ്റുകൾ നേടണം.

മുകളിൽ പറഞ്ഞതിൽ ആദ്യത്തെ മാനദണ്ഡം പാലിച്ചതിനാലാണ് എഎപിക്ക് ദേശീയ പാർട്ടി പദവി ലഭിച്ചത്. എഎപി ഇപ്പോൾ രണ്ട് സംസ്ഥാനങ്ങളിൽ (ഡൽഹിയിലും പഞ്ചാബിലും) അധികാരത്തിലുണ്ട്. അതായത്. ഈ രണ്ട് സംസ്ഥാനങ്ങളിലും അവർ വോട്ട് വിഹിതത്തിന്റെ വലിയൊരു ശതമാനം നേടിയിട്ടുണ്ട്. ഇതിനു പുറമേ കഴിഞ്ഞ വർഷം മാർച്ചിൽ നടന്ന ഗോവ നിയമസഭാ തെരഞ്ഞെടുപ്പിൽ പോൾ ചെയ്ത മൊത്തം വോട്ടിന്റെ 6.77 ശതമാനം ആം ആദ്മി പാർട്ടി നേടിയിരുന്നു. കഴിഞ്ഞ വർഷം ഡിസംബറിൽ നടന്ന ഗുജറാത്ത് തിരഞ്ഞെടുപ്പിൽ 13 ശതമാനം വോട്ടും എഎപി നേടിയിരുന്നു.

എഎപിക്ക് ദേശീയ പാർട്ടി പദവി ലഭിക്കുകയും തൃണമൂല്‍ കോണ്‍ഗ്രസ്, സിപിഐ, എൻസിപി എന്നിവയുടെ അംഗീകാരം ഇല്ലാതാകുകയും ചെയ്തതോടെ നിലവിൽ ഇന്ത്യയിൽ ആറ് ദേശീയ പാർട്ടികളാണുള്ളത്. ബിജെപി, കോൺഗ്രസ്, സിപിഐ(എം), ബഹുജൻ സമാജ് പാർട്ടി (ബിഎസ്പി), നാഷണൽ പീപ്പിൾസ് പാർട്ടി (എൻപിപി), എഎപി എന്നിവയാണവ.