Bob | പത്തിലേറെ സിസിടിവി; സുരക്ഷാ ജീവനക്കാർ; ആഡംബര ബംഗ്ലാവിലിരുന്ന് ലോകത്തെ പറ്റിച്ച ഇന്ത്യക്കാരൻ

രാജ്‌സമന്ദിലെ കൻക്രോളിയിൽ ടയർ ഫാക്ടറിയിൽ ജോലി ചെയ്തിരുന്ന ആളായിരുന്നു കമൽ സിംഗിന്റെ അച്ഛൻ ഘമർ സിംഗ് ദേവ്‌റയെന്ന് പോലീസ് പറയുന്നു. ഏകദേശം പത്തു വർഷം മുൻപ് അദ്ദേഹം ഈ ജോലി ഉപേക്ഷിച്ചു. ഇതിനിടയിൽ, കൊമേഴ്സിൽ ബിരുദധാരിയായ ഇളയ മകൻ കമൽ സിംഗ് അമേരിക്കയിൽ വ്യാജ കോൾ സെന്റർ നടത്തി ആളുകളെ പറ്റിക്കാൻ തുടങ്ങി.

എട്ട് വർഷം മുമ്പ് കമൽ സിംഗ് 11 ഏക്കർ ഭൂമി വാങ്ങിയിരുന്നു. പോലീസ് റെയ്ഡ് ഒഴിവാക്കാനാണ് നദീതീരത്ത് ആർക്കും എളുപ്പത്തിൽ എത്താൻ കഴിയാത്തവിധം സുരക്ഷിതമായ ഒരു വീട് നിർമിച്ചത്. കോൾ സെന്റർ പ്രവർത്തിപ്പിക്കാൻ ഇന്റർനെറ്റ് ടവർ അടക്കമുള്ള സൗകര്യങ്ങൾ അവിടെ ഉണ്ടായിരുന്നു. ഫാംഹൗസിന് പുറത്ത് മൂന്ന് പാളികളും നിർമിച്ചു. വയറിംഗ്, ഒരു വലിയ മതിൽ, സുരക്ഷാ ജീവനക്കാർ എന്നിവ അടങ്ങുന്നതായിരുന്നു ആ 3-ലെയർ സെക്യൂരിറ്റി. ഫാം ഹൗസിനുള്ളിൽ എന്താണ് നടക്കുന്നതെന്ന് ആർക്കും കണ്ടെത്താനായില്ല.

2020 മാർച്ച് 19 ന് രാജസ്ഥാൻ സ്പെഷ്യൽ ഓപ്പറേഷൻ ഗ്രൂപ്പ് ബോബിനെ അറസ്റ്റ് ചെയ്തെങ്കിലും ജാമ്യം ലഭിച്ചു. 2020 ഒക്‌ടോബർ 4-ന് ഇയാളെ സിബിഐ പിടികൂടി. രാജ്‌സമന്ദ് ഹൗസിംഗ് ബോർഡിലുള്ള ബോബിന്റെ വീട്ടിൽ റെയ്ഡ് നടത്തി. ഇവിടെ നിന്ന് ഒൻപതോളം ലാപ്‌ടോപ്പുകളും അമേരിക്കക്കാരുടെ കോൺടാക്റ്റ് ലിസ്റ്റുകളും പോലീസ് കണ്ടെടുത്തു. റെയ്ഡിനു പിന്നാലെ കമൽ സിം​ഗ് ഉൾപ്പെടെ അഞ്ചുപേരെ പൊലീസ് അറസ്റ്റ് ചെയ്തിരുന്നു.

ഐബീം, സിആർഎം തുടങ്ങിയ സോഫ്‌റ്റ്‌വെയറുകളുടെ സഹായത്തോടെ ബോബ് രാജ്യത്തിനു പുറത്തുള്ള ആളകളുമായി ഫോൺ കോളുകൾ വഴി ബന്ധപ്പെടാറുണ്ടായിരുന്നു. ഇതിനുശേഷം, ട്രാഫിക് നിയമലംഘനം, ചെക്ക് ബൗൺസ്, മയക്കുമരുന്ന് വിൽപന തുടങ്ങിയ പ്രവർത്തനങ്ങൾ ആരോപിച്ച് ഈ നമ്പറുകൾ തടയുകയോ സസ്പെൻഡ് ചെയ്യുകയോ ചെയ്യുമെന്ന് ബോബ് ഭീഷണിപ്പെടുത്തി. ഇതു കേട്ട് പേടിക്കുന്ന ഇരകൾ അങ്ങനെ ചെയ്യരുതെന്ന് ബോബിനോട് അഭ്യർത്ഥിക്കും. ഇങ്ങനെ ഭീഷണിപ്പെടുത്തി, ഓൺലൈൻ വെബ്‌സൈറ്റുകൾ വഴി ഒരു സമ്മാന വൗച്ചർ അയയ്ക്കാൻ ബോബ് ഇരകളോട് ആവശ്യപ്പെടും. തുടർന്ന് അദ്ദേഹം ഈ വൗച്ചർ പണമായി പിൻവലിക്കുകയായിരുന്നു ചെയ്യാറുള്ളതെന്ന് കേസ് അന്വേഷണവുമായി ബന്ധമുള്ള ഒരു ഉദ്യോഗസ്ഥൻ പറഞ്ഞു.

ഡാർക്ക് വെബിൽ നിന്നാണ് ബോബും സംഘവും ആളുകളുടെ വിവരങ്ങൾ കണ്ടെത്തിയിരുന്നത്. അതിൽ ആളുകളുടെ പേരുകൾ, വിലാസങ്ങൾ, മൊബൈൽ നമ്പറുകൾ, ബാങ്ക് അക്കൗണ്ടുകൾ, ഇൻഷുറൻസ് പോളിസികൾ, ജോലി സംബന്ധമായി വിവരങ്ങൾ, അവർ എടുത്തിട്ടുള്ള വ്യക്തിഗത വായ്പകൾ, കുടുംബത്തെക്കുറിച്ചുള്ള വിശദാംശങ്ങൾ എന്നിവയെല്ലാം ഉണ്ട്. പിന്നീട് ആ നമ്പറുകളിലേക്ക് ഇന്റർനെറ്റ് കോളുകൾ വിളിക്കും. ഇത് വ്യാജ കോളല്ലെന്ന് ഇരകളെ വിശ്വസിപ്പിക്കുന്ന തരത്തിലായിരുന്നു പ്രതികളുടെ പെരുമാറ്റം.

രണ്ട് ഘട്ടങ്ങളിലായാണ് ബോബും സംഘവും തട്ടിപ്പുകൾ നടത്തിയിരുന്നത്.