കേരളത്തിലെ 15 ദേശീയപാതാ പദ്ധതികൾക്കായി കേന്ദ്രത്തിന്റെ 1.52 ലക്ഷം കോടി രൂപ; മന്ത്രി ഗഡ്കരി ഇന്ന് തുടക്കമിട്ടു

തിരുവനന്തപുരം: സംസ്ഥാന-ദേശീയ പാതയുടെ സമഗ്ര വികസനത്തിനു കേന്ദ്ര സർക്കാർ തയാറാക്കിയ 1.52 ലക്ഷം കോടിയുടെ പദ്ധതികൾക്ക് ഇന്നു തുടക്കമായി. തിരുവനന്തപുരത്തെത്തിയ കേന്ദ്ര ഉപരിതല ഗതാഗതവകുപ്പ് മന്ത്രി നിതിൻ ഗഡ്കരി 45,536 കോടി രൂപയുടെ 15 ദേശീയപാത വികസന പദ്ധതികളുടെ ഉദ്ഘാടനവും ശിലാസ്ഥാപനവും നിർവഹിച്ചു. കാര്യവട്ടം സ്പോർട്സ് ഹബ്ബിലെ ട്രാവൻകൂർ അന്താരാഷ്ട്ര കൺവൻഷൻ സെന്ററിൽ വച്ച് നടന്ന ഉദ്ഘാടനചടങ്ങിൽ 2.71 കി മീ നീളമുളള കഴക്കൂട്ടം എലിവേറ്റഡ് ഹൈവേയുടെ ഉദ്ഘാടനവും നിർവഹിച്ചു.